Ahebro 1:12 - Mbeti ti Nzapa - Tënë so amu fini

¹² Fade mo yeke rule aye so tongana ti so zo ayeke rule kota bongo ti de. Fade mo yeke sara si ala ga nde tongana ti so zo ayeke zi bongo ti yu mbeni nde. Me ti mo, mo yeke ngba lakue si alango ti mo ayeke hunzi pepe.”

Ahebro 1:12 ပူးပေါင်းရင်းမြစ်များ

Mbeti ti Job 36:26

Biani, Nzapa ayeke kota, me e hinga li ti e daa pepe; e lingbi ti diko wungo ti ngu ti lo pepe.

Abia (Psaumes) 90:4

Biani, na le ti mo, ngu saki oko ayeke tongana lango ti biri so ahon, wala tongana nduru ngbonga ti bi oko.

Sigingo 3:14

Nzapa atene na Moïse: “MBI YEKE SO MBI YEKE”. Fade mo tene na azo ti Israel, mo tene: “MBI YEKE laa atokua mbi na ala.”

Ésaïe 38:12

Da ti mbi so mbi duti na ya ni, a zi ni si a gue na ni yongoro na tere ti mbi, tongana gbefa ti wabatango-taba. Tongana ti so zo ti lekengo bongo ayeke rule bongo ti lo so ahunzi, fini ti mbi ahunzi legeoko tongaso. A fâ kamba ti bongo ni awe. KOTA GBIA, na kota lâ ngbii asi na lakui, mo hunzi na mbi awe.

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

Ahebro 13:8

Jésus Christ angba tongana ti biri, ti laso na kpu na kpu.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.