Ahebro 1:1 - Mbeti ti Nzapa - Tënë so amu fini

¹ Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.

Ahebro 1:1 ပူးပေါင်းရင်းမြစ်များ

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Tongo nda ti aye 6:3

Tongaso KOTA GBIA atene na be ti lo: “Pupu ti mbi ayeke ngba lakue na ya ti zo pepe, ngbanga ti so lo yeke gi zo senge. Fade lo yeke duti na gigi gi ngu ngbangbo oko na baleuse.”

Nzoni Tënë so Luc asu na mbeti 1:55

so lo sara na Abraham na *ahale ti lo lakue lakue. Lo sara ye ni alingbi na zendo so ando lo mu na akotara ti e.”

Nzoni Tënë so Luc asu na mbeti 1:72

Lo sara nzoni be na akotara ti e ti dabe ti lo na *mbuki ti lo so ayeke nde si ayeke nzoni kue.

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 16:13

Tongana Yingo ti taa-tënë aga ande, lo yeke fa na ala taa-tënë kue. Lo yeke fa gi tënë ti be ti lo pepe, me lo yeke fa na ala ye so lo yeke ma; lo yeke fa nga na ala tënë ti aye so ayeke si.

Jean 7:22

Moïse amu ando yanga na ala ti fâ amolenge ti ala ti koli na *ganza. Moïse laa ato nda ti fango ganza pepe, me akotara ti lo laa ato nda ni; nilaa ala yeke fâ azo na ganza, ataa na *lango ti wungo tere kue.

Jean 9:29

E hinga so Nzapa atene tënë na Moïse, me ti koli so, e hinga ndo so lo londo daa si lo ga pepe.”

Awatokua 13:32

E nga, e yeke fa na ala Nzoni Tënë so: Nzoni Tënë so Nzapa amu zendo ni na akotara ti e.

Awatokua 2:30

Lo yeke lani wayanga-Nzapa si lo hinga ye so Nzapa adeba yanga ti sara na lo: fade mbeni *hale ti lo ayeke duti na ndö ti mbata ti gbia na peko ti lo.

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Awatokua 3:21

Christ ayeke ngba na yayu ngbii asi na ngoi so fade Nzapa akiri aleke aye kue na legeni. Ngoi ni so, Nzapa atene tënë ni ando na yanga ti awayanga ti lo so lo zia ala nde ndali ti lo.

Ahebro 11:18

atene: “Na lege ti Isaac laa mo yeke wara *ahale so mbi mu zendo ti ala na mo.”

Ahebro 11:2

Ndali ti mabe ti akotara ti e, Nzapa atene nzoni tënë ti ala.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ahebro 2:2

Tënë so Nzapa afa ando na lege ti *a-ange, aga taa-tënë. Azo so kue ake tënë ni, wala ala so aye ti ma ni pepe, Nzapa afâ ngbanga na li ti ala alingbi mbirimbiri na ye so ala sara.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Ahebro 3:5

Moïse asara ti lo ando kua ti da ti Nzapa kue na legeni tongana zo ti kua ti Nzapa; kua ti lo ayeke ti fa na azo tënë so Nzapa ayeke tene ande na ala.

Ahebro 4:8

Tongana Josué asi lani na azo ti Israel na ndo ti wungo tere ni so biani, ka Nzapa akiri atene tënë ti mbeni lango nde na pekoni pepe.

Ahebro 5:5

Ti Christ ayeke nga tongaso: lo mu tere ti lo wani ti si na kota ndo pepe ti ga kota wayango-sandaga; me Nzapa laa amu lo ti ga kota wayango-sandaga, Nzapa so atene na lo: “Mo yeke Molenge ti mbi, laso mbi ga Babâ ti mo awe.”

Ahebro 9:19

Moïse ato mbela ando na azo ti Israel na atënë ti ambela oko oko kue alingbi na ndia. Na pekoni, lo mu mene ti akete bagara na ti akoli-ngasa, lo mu nga ngu, kete keke ti *izope nga na ambeni bengba kua ti tere ti taba, lo yoro aye ni na ya ti mene ni si lo wani, lo fi na tere ti mbeti ti *Ndia nga na tere ti azo kue.