Aggée 2:9 - Mbeti ti Nzapa - Tënë so amu fini

⁹ Tongaso, fade gonda ti kota da so ayeke hon gonda ti kozo da ni. Na ndo so, mbi yeke sara titene siriri aduti daa; so tënë ti yanga ti KOTA GBIA so ayeke na ndö ti dunia kue laa.”

Aggée 2:9 ပူးပေါင်းရင်းမြစ်များ

Ésaïe 60:7

Angasa na ataba ti Kedar ayeke bongbi na ndo ti mo. Akoli-taba ti Nebayot ayeke ga ye ti kua ti mo. A yeke zia ala na ndö ti gbalaka ti KOTA GBIA, *sandaga tongaso laa ayeke nzere na lo. Sandaga ni ayeke mu nengo na kota da ti lo.

Ésaïe 66:12

Biani, tënë so KOTA GBIA atene ayeke so: “Baa, mbi yeke sara titene siriri aga ngbii asi na Jérusalem tongana *bale, mosoro ti amara nde aga na lo tongana ngu so asuku amu ndo kue. Fade mbi yeke bata ala tongana mama so ayeke mu me na molenge ti lo. Lo yo molenge ni na kate ti lo, lo yo lo na ndö ti gere ti lo si lo yeke sara ngia na lo.

Ezekiel 43:5

Tongaso, yingo ti Nzapa ayo mbi, ague na mbi na ya ti gbagba ti kota da ni ti ya ni. Mbi baa gonda ti KOTA GBIA asi singo na ya ti kota da ni.

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Aggée 1:8

KOTA GBIA atene: “Ala gue na ndö ti hoto, ala de akeke aga na ni, ala sara na kota da ti mbi. Tongaso fade be ti mbi ayeke nzere si azo abaa nengo ti mbi.

Aggée 2:3

“Na popo ti ala, zo wa laa abaa ando mara ti pendere ti kota da ti KOTA GBIA ti kozoni so? Ti fadeso, ala yeke baa ni tongana nyen? Da ni ayeke fadeso ye oko na le ti ala pepe?

Zakarii 2:5

Mbi yo le ti mbi na nduzu si na ya ti mbeni ye tongana bango-li, mbi kiri mbi baa mbeni koli so agbu kamba ti hakango na ye na maboko ti lo.

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Jacques 2:1

A-ita ti mbi, ala ma na be awe na *Kota Gbia ti e Jésus Christ so e yeke gonda lo. Tongaso, ala ne ambeni zo ahon ambeni pepe.