Aggée 2:5 - Mbeti ti Nzapa - Tënë so amu fini

⁵ Na ndembe so ala londo ando na Ezipte ti sigigi, mbi deba yanga ti mbi na ala. Tongaso, Yingo ti mbi ayeke duti na popo ti ala, ala sara mbeto oko pepe!

Aggée 2:5 ပူးပေါင်းရင်းမြစ်များ

2 Mbai 20:17

Tiringo bira ni ayeke ti ala pepe. Ala, azo ti Juda na ti Jérusalem, ala gue kâ, ala luti kpoo, ala kue ayeke baa lege so KOTA GBIA ayeke soo ande ala na kuâ. Ala sara mbeto pepe, ala zia mbeni ye azia mbeto na be ti ala pepe. Kekereke, ala gue na mbage ti awato ni; fade KOTA GBIA ayeke na ala.’ ”

Néhémie 9:20

Mo mu na ala nzoni yingo titene ala wara hingango ndo; mo mu na ala *mane ti tengo ni lakue, mo mu na ala ngu ti nyon.

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Sigingo 19:4

‘Ala wani abaa na le ti ala ye so mbi sara na azo ti Ezipte. Ala baa lege so mbi yo ala, mbi ga na ala ge na tere ti mbi; mbi yo ala tongana ti so *ngoalo ayeke yo amolenge ti lo na ndö ti *kpangi ti lo.

Sigingo 19:6

Me ti ala, ala yeke duti ande kodro-gbia ti awayango-sandaga ndali ti mbi; ala yeke ga mara so ayeke nde si ayeke nzoni kue.’ Baa, tënë so fade mo yeke tene na azo ti Israel laa.”

Sigingo 24:3

Moïse aga afa na azo ni peko ti atënë kue ti KOTA GBIA nga na andia ti lo kue. Azo ni kue akiri tënë yanga oko, atene: “Atënë so kue KOTA GBIA atene, fade e yeke sara ye alingbi na ni.”

Sigingo 24:8

Moïse amu mene ni, lo fi na tere ti azo ni si lo tene: “So ayeke mene ti mbuki so Nzapa asara ndali ti ala laa; lo sara ni alingbi na atënë ti ndia so kue.”

Sigingo 34:10

KOTA GBIA atene na Moïse: “Mbi yeke sara titene mbi na ala e ga ambuki. Na le ti azo ti mo kue, fade mbi yeke sara aye ti dongo be so ade ti si laoko pepe na mbeni ndo na ndö ti sese so wala na popo ti mbeni mara. Fade azo so kue angoro mo ayeke baa akota ye so mbi sara na lege ti mo si aye ni ayeke zia mbeto na be ti ala.

Sigingo 34:8

Hio tongaso, Moïse akuku, akpo li ti lo na sese ti voro KOTA GBIA.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 41:13

Biani, mbi *KOTA GBIA, mbi yeke Nzapa ti mo; mbi gbu maboko ti mo ti koli, mbi tene na mo, mbi tene: ‘Sara mbeto pepe, mbi laa mbi yeke mu maboko na mo.’ ”

Zakarii 8:13

Ala, akodro-gbia ti Juda na ti Israel, na popo ti amara kue, ala yeke lani tapande ti mbeni mara so a deba lo. Me fadeso, mbi soo ala, ala yeke ga tapande ti mbeni mara so a sara tufa na ndö ti lo. Ala sara mbeto pepe, ala gbu ngangu!”

Zakarii 8:15

Ti fadeso, mbi leke na be ti mbi ti sara nzoni na ala, azo ti Jérusalem nga na ala, azo ti kodro ti Juda kue. Ala sara mbeto pepe!

Matthieu 28:5

Me ange ni atene na awali ni: “Mbeto asara ala pepe; mbi hinga so ala yeke gi Jésus, lo so a fâ lo na ndö ti keke ti kroa.

Awatokua 27:24

si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 8:1

*KOTA GBIA atene na Josué: “Sara mbeto pepe, be ti mo awoko pepe. Mu aturugu ti mo kue, mo gue, mo tiri bira na azo ti gbata ti Ai. Baa, mbi zia na maboko ti mo awe gbia ti Ai, azo ti gbata ti lo, gbata ti lo nga na kodro ti lo.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,

1 Samuel 12:20

Samuel atene na azo ni: “Ala sara mbeto pepe! Ala wani laa asara asioni ye so kue. Me ala hon yongoro na KOTA GBIA pepe, ala sara kua na lo na be ti ala kue.