Aggée 2:22 - Mbeti ti Nzapa - Tënë so amu fini

²² Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.

Aggée 2:22 ပူးပေါင်းရင်းမြစ်များ

2 Mbai 15:6

Mara ayeke tiri na mbeni mara, gbata ayeke tiri na mbeni gbata, ngbanga ti so Nzapa ayingi ala na lege ti aye ti ngangu nde nde.

2 Mbai 20:22

Na ndembe so ala to nda ti he bia si ala yeke sepela KOTA GBIA, lo bi wusuwusu na popo ti azo so aga ti tiri bira na azo ti Juda: azo ti Amon, ti Moab na azo so ayeke lango na sese ti ahoto ti Seir. Ala wani ayeke tiri na popo ti ala.

2 Mbai 20:23

Azo ti Amon na ti Moab alondo ti tiri na azo so ayeke lango na sese ti ahoto ti Seir. Ala fâ azo ti sese ni kue, ahunzi ala. Na pekoni, ala fâ tere na popo ti ala.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Abia (Psaumes) 76:6

Azo anzi ye na tere ti akpengba turugu so kue awe, lango ahon na aturugu ni biani biani; angangu zo ti bira so kue, ala wara lege ti tiri pepe.

Sigingo 14:17

Ti mbi, mbi yeke sara titene be ti azo ti Ezipte akpengba si ala li na peko ti ala na ya ti kota ngu-ingo ni. Fade mbi yeke fa gonda ti mbi na ndö ti Faraon nga na ndö ti aturugu ti lo kue, apusu ti mbarata ti lo nga na azo ti kpengo na mbarata ti lo.

Sigingo 14:28

Ngu ni akiri si akanga ndö ti apusu ti mbarata, azo ti kpengo na mbarata nga na aturugu kue ti Faraon so ali na ya ti kota ngu-ingo na peko ti azo ti Israel so; zo oko angba pepe.

Sigingo 15:19

So ambarata ti Faraon, apusu ti mbarata ti lo nga na azo ti kpengo na ambarata ti lo ali na ya ti kota ngu-ingo, KOTA GBIA asara si ngu ni amene ala. Me azo ti Israel ahon na popo ti kota ngu-ingo ni, na ndö ti kuru sese.

Sigingo 15:4

Lo bi apusu ti mbarata ti Faraon na aturugu ti lo na ya ti kota ngu-ingo. Kota ngu-ingo ti Asosongo amene akpengba turugu ti lo.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Ésaïe 60:12

Biani, amara nde na akodro-gbia so ayeke ke ti sara kua na mo, ala yeke ngba pepe. A yeke hunzi azo ni kue kue kue.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Ezekiel 21:27

Zeke so afa Jérusalem ayeke na ya ti maboko ti lo ti koli. Lo yeke mu yanga titene azo ague, afâ azo gbani gbani, ala dekongo ti bira, ala zia amasini ti bira na tere ti ayanga ti gbagba ni, ala bongbi sese aga *koto na tere ti gbagba ni, ala koro du na gbe ti gbagba ni.

Ezekiel 26:16

Amakonzi ti azo so alango na yanga ti kota ngu-ingo ayeke londo na ndö ti ambata ti ala, ala yeke zi akota bongo ti ala, ala yeke zi apendere bongo ti ala. Mbeto ayeke hon ndö ti ala si ala yeke duti na sese. Tere ti ala ayeke do na mbeto lakue, ye ayeke hon ndö ti ala ndali ti mo.

Ezekiel 38:21

Na ndö ti ahoto ti mbi kue, mbi yeke ga na bira na tere ti mo, Gog. So tënë ti yanga ti mbi, Kota Gbia NZAPA laa. Fade zo oko oko ayeke fâ ita ti lo na yongoro zeme.

Ezekiel 39:20

Matanga ti tengo kobe so mbi yeke iri ala ndali ni, fade ala yeke te ambarata na azo ti kpengo na mbarata ni, aturugu na angangu zo ti bira nde nde. So tënë ti yanga ti Kota Gbia NZAPA laa.

Daniel 8:25

Ndali ti so lo yeke na mayere mingi, lo yeke wara lege ti handa azo. Ndali ti baba so asi be ti lo singo, lo yeke fâ gba ti azo so aduti si ala hinga atene, mbeni sioni ye ayeke ga na ndö ti ala pepe so. Lo yeke londo ti sara bira na Makonzi ti amakonzi. Na ndembe ni so, fade a yeke fâ lo, me zo laa ayeke fâ lo pepe.

Amos 2:15

Zo ti pikango kokora ayeke kiri ti gbu le ni pepe, nzoni zo ti kpengo loro ayeke ngba na fini pepe, zo ti kpengo na mbarata ayeke soo fini ti lo pepe.

Mishe 5:10

Mbi yeke buba agbata ti kodro ti mo kue; mbi yeke kungbi agbagba ti bira ti mo kue.

Mishe 5:8

“Sara bira na awato ti mo, mo fâ ala kue!”

Mishe 5:9

So tënë ti yanga ti *KOTA GBIA laa: “Na lango ni so, fade mbi yeke zi ambarata so ayeke na kodro ti mo so kue; mbi yeke buba apusu ti mbarata ti mo kue.

Mishe 7:16

Fade amara nde ayeke baa aye ni na le ti ala, kamene ayeke gbu le ti ala, ataa so ala yeke na ngangu mingi. Ala yeke hinga tënë so ala yeke tene pepe, ala yeke yeda ti ma tënë oko pepe.

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Zakarii 10:11

Fade ala yeke fâ kota ngu-ingo ti pasi; mbi KOTA GBIA, mbi yeke pika *amapo ti kota ngu-ingo ni. Ataa agbe ti *bale ti Nil ayeke hole kue. Baba ti azo ti Asirii ayeke ti si komandema ti gbia ti Ezipte ayeke hon.

Zakarii 10:5

Amakonzi ni ayeke duti tongana angangu zo ti bira; ala yeke do azo so ayeke tiri bira na ala tongana ti so zo ayeke do potopoto ti ndö ti lege. Ala yeke tiri bira ni tongaso, ngbanga ti so mbi KOTA GBIA, mbi yeke na ala. Fade kamene ayeke gbu le ti azo ti kpengo na mbarata so ayeke awato ti ala.

Zakarii 12:9

*KOTA GBIA atene: “Na lango ni so, mbi yeke sara kue ti fâ amara so kue ti hunzi ala; amara so ayeke ga ti tiri bira na azo ti Jérusalem.

Zakarii 14:3

Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Zakarii 9:10

Fade lo yeke zi apusu ti mbarata ti bira na Efraim, lo yeke zi ambarata na Jérusalem; lo yeke fâ ya ti akokora ti bira si lo yeke zia siriri na popo ti amara. Komandema ti lo ayeke londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue.

Matthieu 24:7

Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia; kota nzara ayeke ga si sese ayeke yingi na ando nde nde.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Awafango-ngbanga 7:22

Na ndembe so azo ngbangbo ota so angba ti huru tatalita, KOTA GBIA asara si azo ti ya ti bâbâ ni kue alondo ti fâ tere na yongoro zeme. Ala so angba so akpe ngbii, ala si na Bet-Shita so ayeke na lege ti guengo na Sereda; ala kpe nga na gbata ti Abel-Mehola so ayeke nduru na Tabat.

1 Samuel 14:16

Asanziri ti Saul so ayeke na Gibea, na sese ti Benjamin abaa gba ti azo ti Filistii so akangbi si ala yeke kpe kirikiri.