Aggée 2:21 - Mbeti ti Nzapa - Tënë so amu fini

²¹ “Tene na Zorobabel, govoronere ti sese ti Juda, mo tene: ‘Fade mbi yeke yingi nduzu na sese.

Aggée 2:21 ပူးပေါင်းရင်းမြစ်များ

1 Mbai 3:19

Amolenge ti Pedaya ayeke Zorobabel na Shimei. Zorobabel adu amolenge-koli use: Meshulam na Hanania; lo du nga molenge-wali so iri ti lo Shelomit.

Esdras 2:2

Ala na Zorobabel, Yeshua, Nehemia, Seraya, Relaya, Mordokai, Bileshan, Mispar, Bigvai, Rehum na Baana laa akiri. Wungo ti akoli ti Israel na lege ti kete mara ti ala ayeke tongaso:

Esdras 5:2

Tongaso Zorobabel, molenge ti Shealtiel, lo na Yeshua, molenge ti Yosadak alondo ti leke kota da ti Nzapa so ayeke na Jérusalem. Awayanga-Nzapa amu maboko na ala.

Abia (Psaumes) 46:6

Nzapa ayeke na ya ti gbata ni; mbeni ye alingbi ti kinda ni oko pepe. Na ndaperere, kozoni si lâ asigigi, Nzapa ayeke ga ti mu maboko na azo ti gbata ni.

Ezekiel 21:27

Zeke so afa Jérusalem ayeke na ya ti maboko ti lo ti koli. Lo yeke mu yanga titene azo ague, afâ azo gbani gbani, ala dekongo ti bira, ala zia amasini ti bira na tere ti ayanga ti gbagba ni, ala bongbi sese aga *koto na tere ti gbagba ni, ala koro du na gbe ti gbagba ni.

Ezekiel 26:15

“Tënë so mbi Kota Gbia NZAPA, mbi tene na gbata ti Tir ayeke so: A yeke buba mo, a yeke fâ azo so kue ayeke na ndo ti mo si azo so awara ka ayeke dema. Na ndembe so azo so alango yongoro na ya ti azoa ayeke ma tënë ni, ala yeke do na mbeto.

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Aggée 1:14

KOTA GBIA amu ngangu na be ti Zorobabel, govoronere ti sese ti Juda, molenge ti Shealtiel; lo mu nga ngangu na be ti kota wayango-sandaga Yeshua, molenge ti Yosadak nga na tanga ti azo ti kodro ni. Ala ga si ala to nda ti sara kua ti kota da ti KOTA GBIA, Nzapa ti ala so ayeke na ndö ti dunia kue.