Aggée 2:11 - Mbeti ti Nzapa - Tënë so amu fini

¹¹ “Tënë so KOTA GBIA so ayeke na ndö ti dunia kue atene ayeke so: Hunda na awayango-sandaga ti fâ ya ti tënë so:

Aggée 2:11 ပူးပေါင်းရင်းမြစ်များ

Ezekiel 22:26

Awayango-sandaga ti ala asara ye alingbi na ndia ti mbi pepe; ndo so a zia nde ndali ti mbi, ala sara si aga sioni. Ye so a zia nde ndali ti mbi na ye so a zia nde pepe, ala kangbi popo ni pepe; ye so ayeke *nzoni na ye so ayeke *sioni, ala fa na azo ti hinga kangbi so ayeke na popo ni pepe. Ala baa *lango ti wungo tere tongana buba ye na le ti ala; ala sara si mbi ga mbumbuse ye na popo ti ala.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Ndia ti fani use ni 33:10

Ala yeke fa atënë ti ndia ti mo na azo ti mara ti Jacob, ala yeke fa ndia ti mo na azo ti Israel. Ala yeke zö dukani si ala yeke ya *asandaga so a yeke gbi ni kue na wâ na ndö ti gbalaka ti mo.

Tite 1:9

Alingbi lo ngba gi na ndö ti tënë ti Nzapa so ayeke taa-tënë si alingbi gi na ti so azo ti Nzapa afa kozoni. Tongaso si lo lingbi ti mu wango na azo na lege ti fango ye so ayeke mbirimbiri, lo lingbi nga ti fa na azo ti kengo tënë so, ala girisa lege awe.