Aggée 1:2 - Mbeti ti Nzapa - Tënë so amu fini

² Tënë so KOTA GBIA so ayeke na ndö ti dunia kue atene ayeke so: “Azo ti kodro so ayeke tene: ‘Ngoi ti sarango kota da ti KOTA GBIA ade ti lingbi pepe’ ”

Aggée 1:2 ပူးပေါင်းရင်းမြစ်များ

2 Agbia 12:7

Me na ngu baleuse na ota ni so Yoas ayeke le-gbia, aye so abuba na tere ti kota da ti KOTA GBIA, awayango-sandaga ade ti leke ni pepe.

Esdras 4:23

Gi so a diko mbeti ti gbia Artakzerses na Rehum, na wakuasu Shimeshai nga na amba ti ala awe, ala londo hio ague na Jérusalem. Ala sara ngangu na azuife, ala gbu azuife ni na ngangu titene ala zia lege ti lekengo gbata ni.

Néhémie 4:10

Ti londo na lango ni so, ndambo ti azo ti mbi ayeke sara kua ti gbagba ni; atanga ni agbu likongo, *vala, kokora si ala yu kazaka ti wen. Amakonzi ayeke baa ndo na ndö ti azo ti Juda kue.

Amato 22:13

Zo ti sopo atene: “Bamara ayeke na gigi! Fade lo yeke fâ mbi taa na be ti lege!”

Amato 29:25

Sarango mbeto ti azo ayeke tongana kuku ndali ti zo; me zo so azia be ti lo na ndö ti KOTA GBIA, ye oko ayeke sara lo pepe.

Zo ti bongbingo azo 11:4

Zo so angba ti ku pupu aya ahon si, lo yeke lu le ti kobe pepe; zo so angba ti ku mbinda ahon si, lo yeke fâ le ti kobe pepe.

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Aggée 1:3

Tënë ti KOTA GBIA asi na wayanga-Nzapa Aggée titene lo tene peko ni, lo tene:

Wungo ti azo 13:31

Me amba ti Kaleb atene: “E lingbi ti tiri bira na azo so pepe, ngbanga ti so ngangu ti ala ahon ti e mingi.”