Abdias 1:9 - Mbeti ti Nzapa - Tënë so amu fini

⁹ Ti mo, gbata ti Teman, fade mbeto ayeke hon ndö ti angangu turugu ti mo. Nilaa fade a yeke fâ akoli kue ti ndö ti hoto ti Ezau.

Abdias 1:9 ပူးပေါင်းရင်းမြစ်များ

Tongo nda ti aye 36:11

Amolenge ti Elifaz ti koli ayeke so: Teman, Omar, Sefo, Gatam na Kenaz.

1 Mbai 1:45

Yobab akui si Husham, zo ti sese ti Teman aga gbia na peko ti lo.

Mbeti ti Job 2:11

Amba ti Job ota ama tënë ti aye ti vundu so kue asi na lo si zo oko oko alondo na kodro ti lo aga ti baa lo. Ayeke azo tongana: Elifaz, zo ti kodro ti Teman; Bildad, zo ti kodro ti Shuha nga na Sofar, zo ti kodro ti Naama. Ala ma tere titene ala ga akangbi vundu na lo, ti de be ti lo.

Jérémie 49:20

Azo, ala ma tënë ti ye so KOTA GBIA agbu li ti lo ti sara na Edom, tënë ti ye so lo leke na be ti lo ti sara na azo so alango na Teman. Biani, fade a yeke gbu ala ti hon na ala tongana akete bagara. Biani, ndali ti ala, fade a yeke buba ndo ti dutingo ti ala.

Jérémie 49:22

Wato azi ya ti *kpangi ti lo, lo yeke huru na le ti nduzu tongana *ngoalo na ndö ti gbata ti Bosra. Na lango ni so, fade be ti angangu zo ti bira ti Edom ayeke fun kue tongana ti wali na ndembe ti dungo ni.

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Ezekiel 25:13

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Edom; mbi yeke hunzi azo na anyama ti kodro ni kue kue kue. Mbi yeke sara titene kodro ni aga ndo ti gba ti atêne, ato nda ni na gbata ti Teman ngbii asi na Dedan. Fade a yeke fâ azo ni na yongoro zeme.

Amos 1:12

Fade mbi yeke bi wâ na gbata ti Teman si wâ ni ayeke gbi ayangbo ti gbata ti Bosra kue.”

Amos 2:16

Na lango ni so, ataa ngangu turugu so ayeke na mbeto pepe, lo yeke kpe tere ti lo ndumbu”; so tënë ti yanga ti KOTA GBIA laa.

Abdias 1:21

Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau. Fade lengo-gbia ayeke ti KOTA GBIA!

Abdias 1:5

Tongana azo ti nzi asi na ndo ti mo, wala azo so ayeke gbu ye ti azo na ngangu asi na ndo ti mo na bi, fade ala yeke zia mo kpoo? Ala yeke mu aye alingbi na ala pepe? Tongana azo ti fango ale ti *vinye asi na ndo ti mo, fade ala yeke zia tanga ti ale ti vinye ni?

Nahum 3:13

Azo ti bira ti mo awoko gi tongana awali, ayanga ti kodro ti mo kue azi kota na awato ti mo. Wâ agbi angbongboro keke so ayeke kanga na ayanga ti gbagba ti kodro ti mo.

Habakuk 3:3

Nzapa alondo na Teman si ayeke ga; lo so lo yeke nde si lo yeke nzoni kue so, lo londo na ahoto ti Paran si lo yeke ga. Luti kete Nengo ti lo ti gbia amu ya ti yayu kue, sese asi singo na tënë ti sepelango lo.

Ndia ti fani use ni 2:5

Ala sara bira na a-ita ti ala ni pepe! Fade mbi yeke mu sese na ala pepe na ya ti kodro ti a-ita ti ala ni, ataa mbeni kete ndo titene ala zia gere ti ala daa. Biani, mbi mu na ahale ti Ezau sese ti ahoto ti Seir titene aga ti ala awe.