Abdias 1:7 - Mbeti ti Nzapa - Tënë so amu fini

⁷ Azo so kue mo na ala aga *ambuki so, ala tumba mo na ya ti kodro ti mo. Azo so mo na ala aye tere mingi so, ala handa mo si ala hon ndö ti mo. Azo so ayeke te lani kobe ti mo so, ala zia kuku na lege ti mo ti gbu na mo. Azo ni ayeke tene: “Lo hinga ndo pepe!”

Abdias 1:7 ပူးပေါင်းရင်းမြစ်များ

Abia (Psaumes) 41:10

Ataa mba ti mbi so mbi na lo, e ye tere mingi, lo so mbi zia be ti mbi na ndö ti lo, so mbi na lo, e yeke te ka kobe oko, lo nga, lo ga wato ti mbi.

Abia (Psaumes) 41:9

Ala yeke tene: “Lo wara sioni kobela awe! So lo lango na gbogbo awe so, lo yeke kiri ti londo pepe!”

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Jérémie 38:22

awali so kue angba na yangbo ti gbia ti Juda, fade a yeke mu ala ti gue na ala na aturugu ti kota kamba ti gbia ti Babilone; awali ni ayeke he bia so na iri ti mo, atene: ‘Ataa azo so aye mo mingi, ala handa mo alingbi ala awe! Mo linda na ya ti potopoto awe, ala do mo azia!’

Jérémie 4:30

Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Abia ti demango tere 1:19

Mbi iri azo so aye mbi lani so, andaa ala ke mbi awe. Awayango-sandaga na *akangba ti mbi akui kue; ala kui kue na ya ti gbata ti Jérusalem, na ndembe so ala yeke gi kobe ti wara na ngangu.

Osée 13:13

Fade songo ya ti wali so aga nduru ti du ayeke kiri na ndö ti ala; me molenge ni ahinga ndo pepe: so ndembe ti dungo lo alingbi awe, lo ke ti sigigi na ya ti mama ti lo.

Osée 7:11

Azo ti Efraim ayeke tongana mbipa so le ti lo azi pepe si lo hinga ndo pepe. Ala iri Ezipte, na pekoni ala kpe na sese ti Asirii.

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.