Abdias 1:5 - Mbeti ti Nzapa - Tënë so amu fini

⁵ Tongana azo ti nzi asi na ndo ti mo, wala azo so ayeke gbu ye ti azo na ngangu asi na ndo ti mo na bi, fade ala yeke zia mo kpoo? Ala yeke mu aye alingbi na ala pepe? Tongana azo ti fango ale ti *vinye asi na ndo ti mo, fade ala yeke zia tanga ti ale ti vinye ni?

Abdias 1:5 ပူးပေါင်းရင်းမြစ်များ

2 Samuel 1:19

Ae, Israel! A fâ akpengba turugu ti mo na ndö ti ahoto ti mo! Ae! Akpengba koli ti kodro ti mo ati na sese!

Ésaïe 14:12

Mo, tongoro ti ndaperere so mo yeke za zango so, asara tongana nyen laa mo londo na nduzu kâ, mo ti na sese? Mo so ando mo yeke kinda amara so, asara tongana nyen laa a bi mo na sese?

Ésaïe 17:6

Azo kete laa ayeke ngba na Israel tongana ti so ale ti keke ayeke ngba gi kete na ya ti keke, tongana ti so zo afâ ale ti olive awe, gi ale ni use wala ota laa ayeke ngba na li ti keke ni, wala ale ni osio wala oku laa ayeke ngba na tere ti amaboko ti keke ni. So tënë ti yanga ti KOTA GBIA, Nzapa ti Israel laa.

Ésaïe 24:13

Biani, na ndö ti sese, na popo ti amara, ye ayeke ngba gi kete tongana ti so ale ti keke ti olive ayeke ngba gi kete na ya ti keke ni na peko ti so a fâ ale ti olive ni awe, tongana ti so a fâ ale ti vinye si ahunzi awe.

Jérémie 49:9

Tongana azo ti kongo ale ti *vinye asi na ndo ti ala, azo ni ayeke zia le ti vinye oko angba pepe. Tongana azo ti nzi aga na bi, ala yeke buba ye so kue ala lingbi ti buba ni.

Jérémie 50:23

Mara ti ye tongaso alingbi ti si? Babilone ayeke ando tongana martoo so ayeke nika aye ti sese kue; laso, a nika lo awe, lo ga fuku! Mara ti ye tongaso alingbi ti si? Na popo ti amara kue, Babilone aga ngonda.

Jérémie 6:9

Tënë so *KOTA GBIA so ayeke na ndö ti dunia kue atene ayeke so: “Tongana ti so a yeke ro ale ti *vinye so angba na ya ti keke, ayeke nzoni ala ro azo ti Israel so angba na fini so. Ala gi ndo mbirimbiri tongana ti so zo ti kongo ale ti vinye ayeke gi ndo na tere ti amaboko ti keke ti vinye.”

Abia ti demango tere 1:1

Azo-oo, azo! Taa gbata so ando azo asi singo daa so, ni laa angba fadeso gi lo oko so-oo! Gbata so iri ni awu ando na popo ti agbata kue so, ni laa aga fadeso tongana mbeni wali-mua so-oo! Gbata so ayeke ando na ndö ti akete-kodro kue so, ni laa fadeso kua ti ngbaa ahon ndö ti lo so-oo!

Abdias 1:9

Ti mo, gbata ti Teman, fade mbeto ayeke hon ndö ti angangu turugu ti mo. Nilaa fade a yeke fâ akoli kue ti ndö ti hoto ti Ezau.

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

Sofonii 2:15

Baa, ye so ayeke si na gbata so, gbata so aduti ando na ngia so laa! Gbata so abaa ti lo atene, mbeni sioni ye alingbi ti si na lo pepe so; lo tene: “Gi mbi oko awe!” Asara tongana nyen laa gbata ni akiri aga ngonda so? Akiri aga ndo ti lango ti anyama so? Zo so kue ayeke hon nduru na ni ayeke huru yanga ti lo si lo yeke sara maboko ti he na gbata ni.

Ndia ti fani use ni 24:21

Tongana ala yeke fâ ale ti *vinye ti ala, fade ala yeke kiri ti gue ti zi ambeni le ni so angba so pepe. Ala yeke zia ni ndali ti awande, anyindu na awali-mua.

Aye so Nzapa afa 18:10

Mbeto ti pasi so lo yeke baa ayeke sara ala; ala yeke luti yongoro si ala yeke tene: “Mawa-ee! So mawa! Kota gbata-ee, Babilone-ee! Ngangu gbata! Gi na ya ti ngbonga oko, a fâ ngbanga na li ti mo awe!”