Abdias 1:3 - Mbeti ti Nzapa - Tënë so amu fini

³ Baba ti mo so mo yeke sara mingi so ahanda ala awe! Mo yeke lango na popo ti akota têne, mo sara ndo ti lango ti mo na ndo so ayeke na nduzu si mo yeke tene na be ti mo, mo tene: ‘Zo wa laa alingbi ti mu mbi ti bi mbi na sese, zo wa?’

Abdias 1:3 ပူးပေါင်းရင်းမြစ်များ

Tongo nda ti aye 36:8

Ezau, so ti tene Edom asara kodro na ndö ti hoto ti Seir.

2 Agbia 14:7

Amasia afâ nga azo ti Edom saki baleoko na popo-hoto ti Ingo. Na ndembe ti bira ni, lo mu gbata ti Sela si lo di iri ti gbata ni Yokteel; iri so angba ngbii asi laso.

2 Mbai 25:11

Amasia awara ngangu; lo na aturugu ti lo ague na popo-hoto ti Ingo si lo fâ azo ti Edom saki baleoko.

2 Mbai 25:12

Aturugu ti Juda agbu aturugu ti Edom saki baleoko. Ala gue na aturugu ni na li ti mbeni kota têne, ala pusu ala kâ ti ti na gbeni; ala kue, ya ti ala asungba.

Mbeti ti Job 20:6

Ataa zo ti sioni ayo ngbii li ti lo andu yayu, ataa li ti lo akpo mbinda,

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.

Jérémie 21:13

Ala so ayeke lango na popo-hoto, na ndö ti kota têne so ayeke kpangbara so, mbi na ala, e yeke baa ya ni; so tënë ti yanga ti KOTA GBIA laa. Biani, mbi yeke ga na tere ti ala, ala so ayeke tene: ‘Zo wa laa ayeke zu ti ga na tere ti e, zo wa? Zo wa laa ayeke li na ndo so e yeke duti daa so, zo wa?’

Jérémie 37:9

Tënë so KOTA GBIA atene ayeke so: Ala handa tere ti ala pepe, atene: azo ti Babilone alondo na kodro ti e ahon biani biani awe. Ên-en, ala yeke hon pepe!

Jérémie 48:28

Ala, azo ti Moab, ala zia agbata, ala gue, asara kodro na popo ti atêne. Ala sara ye tongana *ambipa so asara da ti ala na mbeni mbage ti kota du kâ.

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 49:4

Ae, gbata ti Raba, molenge-wali ti ngangu li! Ando mo yeke pika kate ti mo ndali ti popo-hoto ti mo; popo-hoto ti mo so ayeke pendere mingi so. Ando mo zia be ti mo na ndö ti amosoro ti mo, mo tene: “Zo wa laa ayeke ga ti tiri bira na mbi, zo wa?”

Ezekiel 28:16

Dengo buze ti mo so ague na nduzu apusu mo ti sara ngangu na azo, mo sara siokpari. Nilaa mbi tumba mo na ndö ti hoto ti mbi si mbi zia mo na popo ti asenge zo. Mo sheruben so mo yeke bata zo, mbi yeke tumba mo titene mo londo na popo ti atêne so ale ti wâ ayeke sigigi daa.

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.