Abdias 1:19 - Mbeti ti Nzapa - Tënë so amu fini

¹⁹ Azo ti Juda so ayeke lango na mbage ti Mbongo ayeke mu hoto ti Ezau. Ala so ayeke lango na *Kodro-ti-gbeni ayeke mu sese ti Filistii, sese ti Samarii, sese ti Efraim. Azo ti Benjamin ayeke mu ti ala sese ti Galaad.

Abdias 1:19 ပူးပေါင်းရင်းမြစ်များ

2 Agbia 17:24

Gbia ti Asirii amu azo ti Babilone, ti Kuta, ti Ava, ti Hamat na ti Sefarvaim aga na ala si lo zia ala na ya ti agbata ti Samarii na plase ti azo ti Israel. Azo ni amu Samarii, aga sese ti ala wani si ala duti na ya ti agbata ni.

1 Mbai 5:26

Nilaa Nzapa ti Israel azia na be ti agbia ti Asirii, Pul na Teglat-Falasar titene ala ga amu sese ti amara ni si ala gbu azo ni ague na ala na Hala, Habor nga na Hara, nduru na *bale ti Gozan. Ala ngba kâ ngbii asi laso.

Esdras 4:17

Gbia Artakzerses akiri na peko ti mbeti ni atene: “Mbi tokua mbeti so na govoronere Rehum, na wakuasu Shimeshai nga na amba ti ala so ayeke na gbata ti Samarii nga na ala so ayeke na sese ti Do ti ngu ti Efrate. “Mbi bara ala…

Esdras 4:2

Awato ni aga abaa Zorobabel na azo ti li ti asewa ti azo ti Israel si atene na ala: “E ye ti mu maboko na ala na lekengo da ni! Biani, oko Nzapa so ala yeke voro lo laa e nga, e yeke voro lo; e yeke ya asandaga na lo ngbene ye na ngoi so Asaradon, gbia ti Asirii, agbu e si aga na e ge.”

Abia (Psaumes) 69:35

Ala ayayu, sese, na akota ngu-ingo, na aye so kue ayeke na ya ni, ala sepela KOTA GBIA!

Jérémie 32:44

Biani, fade azo ayeke kiri ti vo ayaka na sese ti Benjamin, na ya ti akodro so angoro Jérusalem, na ya ti agbata ti Juda, na ya ti agbata ti Kodro-ti-nduzu, agbata ti *Kodro-ti-gbeni na ti Negev. Ala yeke su ambeti ti vongo yaka ni, ala yeke kpo anzoroko na ndö ti ambeti ni ti kanga na yanga ni, ala yeke iri azo ti duti na tere ni. Biani, fade mbi yeke kiri na agbata ni na kozo ndo ti ala; so tënë ti yanga ti KOTA GBIA laa.”

Jérémie 49:1

Tënë na ndö ti azo ti mara ti Amon. Tënë so *KOTA GBIA atene ayeke so: “Israel ayeke na molenge-koli pepe? Israel ayeke na mbeni zo ti wara aye na peko ti lo pepe? Ngbanga ti nyen si nzapa Milkom amu sese ti Gad si aga ti lo so? Ngbanga ti nyen si azo ti Milkom amu gbata ti Gad si ayeke lango daa so?

Ezekiel 25:16

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Filistii, mbi yeke fâ ala kue kue kue, azo ti Kaftor, ala so ayeke lango na yanga ti kota ngu-ingo so.

Ezekiel 36:28

Tongaso, fade ala yeke duti na sese so mbi mu ando na akotara ti ala; ala yeke duti azo ti mbi si mbi yeke duti Nzapa ti ala.

Amos 1:13

Tënë so KOTA GBIA atene ayeke so: “Mbi yeke na tënë na azo ti mara ti Amon ndali ti asioni ye ota, wala osio so ala sara: ala suru ya ti amama ti ngo na sese ti Galaad ti sara si sese ti ala akono. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:8

Fade mbi yeke mingo makonzi ti Asdod, mbi yeke mingo lo so ayeke sara komandema na Askalon; mbi yeke kiri maboko ti mbi ti pika gbata ti Ekron si tanga ti azo ti mara ti Filistii ayeke kui”; tënë so Kota Gbia NZAPA atene laa.

Amos 9:12

Tongaso, atanga ti sese ti azo ti mara ti Edom na ti amara nde, sese so a di iri ti mbi daa so, fade azo ti Israel ayeke mu ni titene aga ti ala.” So tënë ti yanga ti *KOTA GBIA laa, lo so lo yeke sara aye ni so.

Mishe 7:14

KOTA GBIA, na keke ti mo, mo fa lege na azo ti mo tongana ti so wabatango-taba ayeke fa lege na ataba ti lo. Azo ni aga ye ti mo awe. Fadeso ala yeke duti gi ala oko na ya ti ngonda, me anzoni sese so akeke ayeke sigigi daa pendere angoro tere ni kue. Gue na azo ti mo na nzoni sese ti Bashan na ti Galaad, tongana ti so mo sara ando.

Wungo ti azo 1:32

Ti ahale ti Efraim, molenge ti Joseph, a diko ala na lege ti kete mara ti ala oko oko, sewa ti ala oko oko; a su na mbeti iri ti akoli oko oko kue, ala so ngu ti ala alingbi baleuse na ala so ngu ti ala ahon baleuse, ala so alingbi ti sara kua ti turugu.

Josué 13:25

Sese so ala wara ayeke sese ti Yazer, agbata ti Galaad kue na ndambo ti sese ti azo ti Amon, ague ngbii asi na Aroer, so ayeke baa le na Raba.

Josué 13:31

Ndambo ti sese ti Galaad nga na agbata ti Ashetarot na ti Edrei so ayeke ando agbata ti kodro-gbia ti Og na sese ti Bashan, kue ayeke na ya ni. Sese ni ayeke ando ti azo ti kete mara ti Makir, molenge ti Manase.

Josué 15:21

Agbata so ayeke na yanga ti sese ti Juda, na mbage ti Mbongo, nduru na katikati ti sese ti Edom ayeke so: Kabseel, Eder, Yagur,

Josué 15:33

Agbata so ayeke na *Kodro-ti-gbeni ayeke so: Eshetaol, Sora, Ashena,