Abdias 1:18 - Mbeti ti Nzapa - Tënë so amu fini

¹⁸ Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.

Abdias 1:18 ပူးပေါင်းရင်းမြစ်များ

2 Samuel 19:20

si atene na lo: “Gbia ti mbi, ayeke nzoni mo zia be ti mo pepe na ndö ti sioni so mbi sara na mo. Mo dabe ti mo pepe na sioni so mbi sara na mo na ndembe so mo londo na Jérusalem ti sigigi. Mo bata tënë so na be ti mo pepe!

Sigingo 5:12

Tongaso azo ti Israel akangbi tere ti ala na ya ti kodro ti Ezipte kue ti ro aholengo pere ti pika na biriki.

Ésaïe 10:17

Fade lumiere ti Israel ayeke ga wâ; lo so ayeke nde si ayeke nzoni kue ayeke ga menga ti wâ so ayeke zö si ayeke gbi akamba ti ki na aki gi na ya ti lango oko.

Ésaïe 31:9

Lo so lo yeke na ngangu mingi, lo yeke do na mbeto si lo yeke kpe, be ti amakonzi ti aturugu ti lo ayeke woko kue, ala yeke do bendere ti ala ti zia ti hon. So tënë ti yanga ti KOTA GBIA laa, lo so wâ ti lo ayeke na Sion, kota wâ ti lo ayeke za na Jérusalem.

Ésaïe 47:14

Ala yeke tongana pere, fade wâ ayeke gbi ala kue. Ala lingbi ti zi tere ti ala na ya ti menga ti wâ ni pepe. Wâ ni so ayeke ale ti wâ so e yeke to na kobe pepe, wala wâ so zo ayeke duti na tere ni titene tere ti lo amu wâ pepe.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 9:18

Ndali ti ngonzo ti KOTA GBIA so ayeke na ndö ti dunia kue, wâ agbi kodro ni kue; azo ni aga tongana ye so wâ agbi ni. Zo oko abaa mawa ti mba ti lo pepe.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Jérémie 11:23

Zo oko ayeke ngba na fini pepe, na ngu so mbi yeke ga na tere ti azo ti Anatot si mbi yeke tokua kpale na ndö ti ala.”

Ezekiel 37:16

“Mo, *molenge ti zo, mu mbeni nduru keke, mo su tënë so na ndö ni: ‘Juda na azo ti Israel ti kodro-gbia so’. Na pekoni, mu mbeni nduru keke nde, mo su tënë so na ndö ni: ‘Joseph wala Efraim na azo ti Israel ti kodro-gbia so’.

Ezekiel 37:19

Fade mo yeke kiri tënë na ala: Tënë so Kota Gbia NZAPA atene ayeke so: Mbi yeke mu nduru keke so ayeke limo ti Joseph na azo ti Israel ti kodro-gbia so ti tengbi ni na nduru keke so ayeke limo ti Juda na azo ti kodro-gbia so; mbi yeke sara titene aga gi keke oko na ya ti maboko ti mbi.”

Joël 2:5

Ala yeke huru na ndö ti ahoto si toto ti hurungo ti ala ni ayeke tongana toto ti apusu ti mbarata; tongana toto ti menga ti wâ so ayeke gbi holengo pere. Ala yeke londo ti ga tongana angangu turugu so aleke tere ti ala na molongo ti tiri bira.

Amos 1:8

Fade mbi yeke mingo makonzi ti Asdod, mbi yeke mingo lo so ayeke sara komandema na Askalon; mbi yeke kiri maboko ti mbi ti pika gbata ti Ekron si tanga ti azo ti mara ti Filistii ayeke kui”; tënë so Kota Gbia NZAPA atene laa.

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Amos 6:6

Ala yeke nyon vin na ya ti akota kopo, ala yeke sara mafuta so afun nzoni na tere ti ala, me be ti ala ayeke so oko pepe ndali ti ye ti ngangu so ayeke si na azo ti mara ti Joseph.

Abdias 1:16

“Lani ala, azo ti Israel, ala nyon kopo ti ngonzo ti mbi na ndö ti hoto ti mbi so ayeke nde si ayeke nzoni kue; legeoko nga, fade amara nde ayeke nyon ni, ala wu tere ti ala pepe. Ala yeke nyon ngbii, ala sule si ala ga tongana azo so a du fade ala pepe.

Mishe 5:8

“Sara bira na awato ti mo, mo fâ ala kue!”

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Zakarii 12:6

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”

1 Korente 3:12

Na ndö ti gere ti da ni, ambeni zo asara da na lôro, wala na wen ti nginza wala na atêne ti ngangu ngere, ambeni asara ti ala da ni na keke wala na amara ti holengo pere nde nde.