Abdias 1:17 - Mbeti ti Nzapa - Tënë so amu fini

¹⁷ Me azo so akpe si angba na fini, fade ala ayeke honde tere ti ala na ndö ti hoto ti *Sion; hoto ni ayeke kiri ti ga ndo so ayeke nde si ayeke nzoni kue. Fade *ahale ti Jacob ayeke kiri ti mu sese ti ala na maboko ti azo so amu ni lani so.

Abdias 1:17 ပူးပေါင်းရင်းမြစ်များ

Abia (Psaumes) 69:35

Ala ayayu, sese, na akota ngu-ingo, na aye so kue ayeke na ya ni, ala sepela KOTA GBIA!

Ésaïe 1:27

Fade a yeke soo *Sion na lege ti fango ngbanga ti mbirimbiri; azo ti gbata ni so azia ngbene lege ti sarango ye ti ala, a yeke soo ala na lege ti sarango ye na legeni.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Ésaïe 65:9

Fade mbi yeke mu *ahale na azo ti Jacob, mara ti Juda. Ala yeke mu ahoto ti mbi ti ga ye ti ala; ala so mbi soro ala, ala yeke mu ni titene aga ye ti ala, azo ti kua ti mbi ayeke duti kâ.

Jérémie 31:23

Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “Tongana mbi sara titene kodro ti Juda na agbata ti Juda akiri na kozo ndo ti ala, tënë so azo ayeke kiri ti tene laa: ‘Ayeke nzoni KOTA GBIA asara tufa na ndö ti mo, hoto ti *Sion so mo yeke nde si mo yeke nzoni kue; mo yeke ndo ti mbirimbiri!’

Jérémie 44:14

Na popo ti tanga ti azo ti Juda so angba si aga ti honde tere ti ala na Ezipte, fade mbeni oko ayeke kpe pepe, mbeni oko ayeke ngba na fini pepe. Kodro ti Juda so ala yeke sara nzara ti kiri ti duti daa, zo oko ayeke kiri kâ pepe. Biani, ala yeke kiri kâ pepe, me gi ambeni zo oko oko so akpe.’ ”

Jérémie 44:28

Gi ambeni kete laa ayeke wara lege ti kpe bira ni si ala londo na Ezipte ti kiri na Juda. Ndo so laa, azo ti Juda so angba na fini, ala so aga lani ti honde tere ti ala na Ezipte ayeke hinga atene, tënë ti mbi laa aga taa-tënë, wala ti ala.

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Ezekiel 36:12

Mbi yeke sara titene ala azo ti Israel, azo ti mbi atambula na ya ti kodro ni kue. Ala yeke mu sese ni ti ga ye ti ala, ayeke ga ye ti ala si ala ahoto, ala yeke kiri ti fâ amolenge ti azo ni pepe.

Ezekiel 7:16

Azo so ayeke ngba na fini ayeke kpe ti gue na li ti ahoto. Tongana ti so *ambipa ti apopo-hoto so ayeke dema, zo oko oko ayeke dema ndali ti sioni ti lo.

Daniel 7:18

Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Joël 3:5

Tongaso, zo so kue ayeke iri KOTA GBIA ti mu maboko na lo, fade lo yeke soo kuâ. Na ndö ti hoto ti *Sion, na gbata ti Jérusalem, ambeni zo ayeke wara lege ti sigigi na ya ti akpale ni alingbi na tënë so KOTA GBIA atene. Azo so KOTA GBIA airi ala, ala yeke duti na popo ti azo so angba na fini.

Amos 9:8

Baa, le ti Kota Gbia NZAPA ayeke na ndö ti kodro-gbia so siokpari asi singo na ya ni. So tënë ti yanga ti KOTA GBIA laa: “Fade mbi yeke zi kodro-gbia ni na ndö ti sese so, me mbi yeke hunzi *ahale ti Jacob kue pepe.

Zakarii 8:12

Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.