Abdias 1:15 - Mbeti ti Nzapa - Tënë so amu fini

¹⁵ Biani, lango ni aga nduru awe, lango so *KOTA GBIA ayeke fâ ngbanga na li ti amara kue. Ye so mo sara na azo, gi ni laa a yeke sara ande na mo. Fade asioni sarango ye ti mo ayeke kiri na li ti mo wani.”

Abdias 1:15 ပူးပေါင်းရင်းမြစ်များ

Esther 9:25

Me so Esther ague, abaa gbia, gbia amu yanga titene a su mbeni mbeti ti sara titene sioni so Haman aye ti sara na azuife so akiri gi na ndö ti lo wani; a mu Haman a kanga go ti lo na tere ti keke na nduzu, lo na amolenge ti lo baleoko.

Mbeti ti Job 24:1

Nzapa so ngangu ti lo ahon angangu kue, ngbanga ti nyen si lo bata mbeni lango ti fango ngbanga pepe? Lango so lo ga ti sara na kua ti lo, ngbanga ti nyen si azo so ahinga lo abaa ni pepe?

Abia (Psaumes) 137:8

Mo gbata ti Babilone, so mo yeke ku titene a hunzi mo biani biani so! Ti lo nzoni, zo so ayeke sara na mo alingbi na ye so mo sara na e!

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 49:12

Tënë so KOTA GBIA atene ayeke so: “Azo so alingbi fade ti nyon kopo ti mbi pepe, a fâ ngbanga na li ti ala titene ala nyon ni. Ti mo, Edom, mo lingbi ti kpe ngbanga ni tongana nyen? Fade mo yeke sigigi na ya ni oko pepe. Kopo ni so, fade mo yeke nyon ni biani!

Jérémie 50:29

Ala iri azo ti pikango kokora kue, ala so ahinga ti pika kokora nzoni ti ga ti tiri bira na Babilone. Ala sara bâbâ ti ala angoro Babilone kue; ala sara si zo oko asigigi akpe pepe! Ala kiri na lo peko ti sioni so lo sara, ala futa lo alingbi na ye so lo sara na amba ti lo! Biani, lani lo sara kuru baba mingi ti ke KOTA GBIA, Nzapa ti Israel so ayeke nde si ayeke nzoni kue.

Jérémie 51:56

Biani, zo ti bubango aye ayeke ga nduru na Babilone, lo yeke ga ti tiri bira na lo. Lo yeke gbu angangu zo ti bira ti lo, lo yeke fâ ya ti kokora ti ala. Biani, KOTA GBIA ayeke Nzapa, lo hinga ti kiri na zo peko ti ye so zo ni asara; lo hinga ti futa zo alingbi na kua so zo ni asara.

Ezekiel 30:3

Biani, lango ni ayeke ga, *lango ti KOTA GBIA aga nduru awe; lango ni ayeke duti lango so mbinda asara si ndo avuko vukongo. So ngoi ndali ti amara nde laa.

Ezekiel 35:11

Mo sara lani kota be na tere ti ala, mo sara ngonzo na tere ti ala si be ti mo ake ala. Fini ti mbi! So tënë ti yanga ti mbi, Kota Gbia NZAPA laa. Fade mbi yeke sara na mo gi oko ye so mo sara na ala. Fade mbi yeke sara titene ala hinga mbi tongana mbi fâ ngbanga na li ti mo.

Ezekiel 35:15

Na ndembe so a buba ye so aga ti azo ti Israel, tere ti mo anzere. Mbi yeke sara na mo gi oko ye so mo sara. Mo yeke ga benyama, mo na hoto ti Seir nga na sese ti Edom kue. Tongaso, fade azo ayeke hinga atene, mbi laa mbi yeke KOTA GBIA.”

Joël 1:15

Ae! So lango ti nyen? *Lango ti KOTA GBIA aga nduru awe, lango ni ayeke tongana mbeni kota kpale so ayeke buba ndo kue; alondo na lo so ngangu ti lo ahon angangu kue.

Joël 2:1

Ala huru didi na ndö ti hoto ti *Sion, ala dekongo ngangu na ndö ti hoto ti mbi so ayeke nde si ayeke nzoni kue so! Ala azo ti kodro, ayeke tere ti ala ado, ngbanga ti so *lango ti KOTA GBIA ayeke ga, lango ni aga nduru awe.

Joël 2:11

Na dawa ti aturugu ti lo, KOTA GBIA asara si azo ama go ti lo. Aturugu so ayeke ma yanga ti lo ayeke gbani gbani si ala yeke na ngangu. Biani, lango ti KOTA GBIA ayeke kota lango mingi, lango so ayeke zia kota mbeto na be ti zo. Zo wa laa alingbi ti kanga be ti lo na ni, zo wa?

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Amos 5:20

Lango ti KOTA GBIA ni ayeke duti ande lango ti lumiere? – Oko pepe! Me ayeke duti lango ti vukongo ndo, lango so ndo avuko pitipiti, lango so lumiere ayeke daa kete pepe!

Habakuk 2:8

So mo nzi aye ti amara mingi so, fade tanga ti azo so angba so ayeke nzi aye ti mo, ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Awafango-ngbanga 1:7

Adoni-Bezek atene: “Agbia balembarambara so mbi fâ akota li ti maboko ti ala na ti gere ti ala ayeke ro lani anduru mapa so ati na gbe ti meza ti mbi. Ye so mbi sara so laa Nzapa akiri peko ni na mbi so!” A mu Adoni-Bezek, ague na lo na Jérusalem si lo kui kâ.