Abdias 1:14 - Mbeti ti Nzapa - Tënë so amu fini

¹⁴ Mo lingbi fade ti luti na asangbi-lege pepe titene mo fâ azo so ayeke kpe so. Na lango ti ye ti mawa, tanga ti azo so akpe si angba na fini so, mo lingbi fade ti ka ala na awato pepe.

Abdias 1:14 ပူးပေါင်းရင်းမြစ်များ

Tongo nda ti aye 35:3

Ala londo e gue na Betel. Kâ, mbi yeke leke mbeni gbalaka ndali ti Nzapa so akiri tënë na mbi na ndembe so ye ti ngangu asi na mbi. Lo laa lo bata mbi na lege so mbi tambula daa.”

Abia (Psaumes) 31:8

Mbi yeke dodo na ngia, tere ti mbi anzere ndali ti nzoni be ti mo. Biani mo baa mawa ti mbi, mo hinga ye ti ngangu so asi na mbi.

Ésaïe 16:3

Azo ti Moab ahunda na Jérusalem, atene: “Mo mu na e wango, mo mu yanga biani. Taa na kota lâ, mo gbara gbe-de ti mo na ndö ti e ti bata e tongana bi so ayeke gbara gbe-de ti lo. Azo ti e so akpe so, mo honde ala, mo ka ala pepe.

Ésaïe 16:4

Azo ti e so akpe kodro ti ala so, mo zia lege na ala ti duti na ndo ti mo. Mo mu mbeni ndo na ala titene ala honde tere ti ala daa ndali ti zo ti bubango ndo. Mbeni lâ, zo ti nikango azo ayeke daa mbeni pepe, bubango ndo ayeke hunzi, zo ti sarango ngangu na azo ayeke hon na ya ti kodro ni.

Ésaïe 37:3

Ala tene na lo: “Tënë so Ezekias atene ayeke so: ‘Lango ti laso ayeke lango ti ye ti ngangu, lango ti kota kpale, lango ti kota kamene. Azo ayeke tene: molenge aga nduru ti sigigi na ya ti mama ti lo, me ngangu atia mama ni ti du molenge ni.

Jérémie 30:7

So ye ti vundu ti nyen! So ayeke kota lango mingi; mbeni lango ti lingbi na ni ayeke daa pepe! So ayeke lango ti kota vundu ndali ti *ahale ti Jacob! Me fade ala yeke soo kuâ.”

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:9

Tënë so KOTA GBIA atene ayeke so: “Mbi yeke na tënë na azo ti Tir ndali ti asioni ye ota, wala osio so ala sara: ala gbu azo ti akete kodro si ala ka ala kue kue kue na azo ti mara ti Edom. Ala buba lege ti *mbuki ti ala na a-ita ti ala, azo ti Israel awe. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Abdias 1:12

Na lango so aye ti ngangu asi na a-ita ti mo, azo ti Juda, mo Edom, tere ti mo alingbi fade ti nzere pepe. Na lango so a yeke buba kodro ti Juda, mo lingbi fade ti duti na ngia pepe. Na lango so ye ti mawa asi na ala, mo lingbi fade ti zonga ala pepe.

Matthieu 22:9

Fadeso, ala gue na ndö ti akota lege, ala tisa azo so kue ala yeke wara ala ti ga na matanga ni.’