Abdias 1:13 - Mbeti ti Nzapa - Tënë so amu fini

¹³ Na lango so aye ti azo ti mbi abuba, mo lingbi fade ti li na ya ti gbata ti ala pepe. Na lango so aye ti azo ti mbi abuba si ye ti vundu asi na ala, taa ti mo ni, tere ti mo alingbi fade ti nzere pepe. Na lango so aye ti azo ti mbi abuba, mo lingbi fade ti ndu mosoro ti ala pepe.

Abdias 1:13 ပူးပေါင်းရင်းမြစ်များ

2 Samuel 16:12

E hinga pepe, fade KOTA GBIA ayeke baa mawa ti mbi. E hinga pepe, lo yeke sanze dengo ba ti laso titene aga nzoni ye ndali ti mbi.”

Mbeti ti Job 31:29

So aye ti ngangu asi na wato ti mbi so, tere ti mbi anzere ndali ni? So ye ti mawa awara lo so, mbi dodo na ngia ndali ni?

Abia (Psaumes) 22:17

Gba ti azo ti sioni angoro mbi kue, ala yeke tongana ambo so angoro tere ti mbi; ala koro ya ti amaboko ti mbi na agere ti mbi.

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Ezekiel 35:10

“Mo tene: ‘Amara use so, Israel na Juda, asese use so ayeke ga ti mbi, e yeke mu ni ti ga ye ti e; andaa KOTA GBIA ayeke na ndo so.’

Ezekiel 35:5

Mo ke azo ti Israel kpu na kpu. Na ngoi so ala yeke na ya ti mawa, na ngoi so a yeke kai asiokpari ti ala, mo londo na bira na tere ti ala.

Ezekiel 36:2

Tënë so mbi Kota Gbia NZAPA, mbi tene ayeke so: Awato ti ala ahe ala, atene: ‘Huuu! Huuu! Angbene hoto so aga ye ti e awe!’

Ezekiel 36:3

Fadeso mo tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: Mbage na mbage, azo abuba ala si asara nzara ti ala; amara nde amu ala ti ga ye ti ala; azo ahe ala na ngia si azonga ala.

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.