Abdias 1:12 - Mbeti ti Nzapa - Tënë so amu fini

¹² Na lango so aye ti ngangu asi na a-ita ti mo, azo ti Juda, mo Edom, tere ti mo alingbi fade ti nzere pepe. Na lango so a yeke buba kodro ti Juda, mo lingbi fade ti duti na ngia pepe. Na lango so ye ti mawa asi na ala, mo lingbi fade ti zonga ala pepe.

Abdias 1:12 ပူးပေါင်းရင်းမြစ်များ

Mbeti ti Job 18:20

Ti londo na To ti si na Do, li ti azo ayeke kpe ndali ti aye so asi na lo, mbeto ayeke gbu azo kue.

Mbeti ti Job 31:29

So aye ti ngangu asi na wato ti mbi so, tere ti mbi anzere ndali ni? So ye ti mawa awara lo so, mbi dodo na ngia ndali ni?

Abia (Psaumes) 22:17

Gba ti azo ti sioni angoro mbi kue, ala yeke tongana ambo so angoro tere ti mbi; ala koro ya ti amaboko ti mbi na agere ti mbi.

Abia (Psaumes) 31:18

KOTA GBIA, tongana mbi iri mo, ayeke nzoni mo zia kamene na le ti mbi pepe. Me ayeke nzoni kamene agbu le ti asioni zo so. Ayeke nzoni yanga ti ala akanga si ala gue na ndo ti akuâ.

Abia (Psaumes) 35:15

Me so mbi ti awe, ala bongbi tere ti ala ti he mbi; awande, azo so mbi hinga ala pepe, ala bongbi tere ti ala ti dekongo na li ti mbi lakue.

Abia (Psaumes) 37:13

Me Kota Gbia ayeke he zo ti sioni na ngia, ngbanga ti so lo hinga lo tene, lango so alingbi na zo ti sioni aga nduru awe.

Abia (Psaumes) 54:7

Ayeke nzoni lo kiri sioni na azo so ahonde tere ti ala ti sara sioni na mbi so. Na lege ti nzoni be ti mo, mo hunzi ala kue.

Abia (Psaumes) 59:10

Mo so mo yeke ngangu ti mbi, mbi yeke zia be ti mbi gi na ndö ti mo. Biani, Nzapa laa ayeke ngangu gbagba na tere ti mbi.

Abia (Psaumes) 92:11

Mo mu na mbi ngangu tongana ti ngbä, mo tuku na li ti mbi yombo so afun nzoni.

Amato 17:5

Zo so ahe wayere, andaa lo he lo so asara lo. Zo so, tongana mbeni ye ti ngangu asi na mba ti lo si tere ti lo anzere daa, fade a yeke zia peko ni senge na lo pepe.

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Abia ti demango tere 2:16

Awato ti ala azi yanga ti ala ti gi tënë na ala. Ala yeke huru yanga ti ala, ala yeke te pembe ti ala na ngonzo si ala yeke tene: “E yeke hunzi ala hunzingo. Een! Lango ni alingbi awe! E ku lango ni ngbii, e si daa awe, e baa ni awe!”

Abia ti demango tere 4:21

Ala sara ngia ma, ala, azo ti sese ti Edom! Ala dodo na ngia ma, ala, azo so alango na kodro ti Us! Fade a yeke mu nga na ala gi oko kopo ni si ala nyon asara ala tongana samba; fade ala zi bongo na ngbonda ti ala.

Ezekiel 35:12

Tongaso, fade mo yeke hinga, mo tene, mbi yeke KOTA GBIA; mbi ma azongango ndo so kue mo zonga na ahoto ti Israel, mo tene: ‘Ahoto ni aga benyama awe! A mu ala na e titene e te!’

Ezekiel 35:15

Na ndembe so a buba ye so aga ti azo ti Israel, tere ti mo anzere. Mbi yeke sara na mo gi oko ye so mo sara. Mo yeke ga benyama, mo na hoto ti Seir nga na sese ti Edom kue. Tongaso, fade azo ayeke hinga atene, mbi laa mbi yeke KOTA GBIA.”

Ezekiel 36:5

tënë so mbi Kota Gbia NZAPA, mbi tene ayeke so: Mbi deba yanga ti mbi! Na lege ti ngonzo ti mbi so alondo tongana wâ, mbi tene tënë so na tere ti amara nde nga na tere ti Edom kue, ngbanga ti so ala mu sese ti mbi ti ga ye ti ala. Be ti ala asi singo lani na ngia, ala baa kodro ti mbi tongana mbumbuse ye si ala nzi ando so anyama ayeke te pere daa.

Mishe 4:11

Fadeso, amara gbani gbani abongbi ti tiri bira na mo, ala tene: “Ayeke nzoni Jérusalem aga buba si e baa na le ti e buba ti lo ni.”

Nzoni Tënë so Luc asu na mbeti 19:41

Jésus asi nduru na Jérusalem, lo baa gbata ni si lo toto ndali ni.

Jacques 3:5

Legeoko nga, menga ayeke mbeni kete kete mbage ti tere ti zo, me menga ni ayeke gonda tere ti lo ndali ti so, lo lingbi ti sara akota ye mingi. Ala baa, gi senge kete kete menga ti wâ alingbi ti gbi kota gbako!

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Aye so Nzapa afa 13:5

A mu na nyama ni lege ti tenengo atënë ti baba na atënë ti zongango Nzapa; a mu na lo ngangu ti sarango ye na ya ti nze baleosio na use.

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.