Abdias 1:11 - Mbeti ti Nzapa - Tënë so amu fini

¹¹ Na lango so awato agbu aturugu ti a-ita ti ala ti hon na ala, ala yeke lani daa. So lani awande ali na ya ti gbata ti Jérusalem si ala bi mbeni ye ti baa lege so ala lingbi ti kangbi ya ti amosoro ti gbata ni, ala azo ti Edom nga, ala sara ye tongana ti azo ni.

Abdias 1:11 ပူးပေါင်းရင်းမြစ်များ

2 Agbia 25:11

Na pekoni Nebuzaradan, makonzi ti aturugu ti batango gbia agbu tanga ti azo so angba na ya ti gbata ni, ala na azo so lani azia tere ti ala na gbia ti Babilone nga na tanga ti azo ti kodro ni si lo gue na ala na Babilone.

Abia (Psaumes) 137:7

KOTA GBIA, dabe ti mo na azo ti Edom; ando, na ngoi so ye ti ngangu asi na Jérusalem, ala tene: “Kungbi ni, kungbi ni ngbii asi na agere ni kue!”

Abia (Psaumes) 50:18

Tongana mo baa zo ti nzi, mo yeke ga mba ti lo; mo yeke duti ndo oko na azo ti nzingo wali.

Abia (Psaumes) 83:5

Azo ni atene: “Ala ga, e hunzi mara ti ala si azo akiri adi iri ti Israel pepe.”

Abia (Psaumes) 83:6

Ala ma tere si ala kue ayeda ti ga *ambuki ti ke mo.

Ezekiel 35:10

“Mo tene: ‘Amara use so, Israel na Juda, asese use so ayeke ga ti mbi, e yeke mu ni ti ga ye ti e; andaa KOTA GBIA ayeke na ndo so.’

Joël 3:3

Fade mbi yeke sara aye ti kpene na le ti nduzu nga na ndö ti sese: mene, wâ na angbongboro guru ti wâ;

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:9

Tënë so KOTA GBIA atene ayeke so: “Mbi yeke na tënë na azo ti Tir ndali ti asioni ye ota, wala osio so ala sara: ala gbu azo ti akete kodro si ala ka ala kue kue kue na azo ti mara ti Edom. Ala buba lege ti *mbuki ti ala na a-ita ti ala, azo ti Israel awe. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Nahum 3:10

Me ti azo ti Tebes nga, a gbu ala, a gue na ala na kodro wande. A mu akete molenge ti gbata ni, a bi ala na ndö ti asangbi-lege si a nika ala nikango. A mu akota zo ni, a kanga ala na zingiri; a bi *dee ti kangbi amakonzi ni na popo ti azo so ahon ndö ti ala na bira.

Sofonii 2:10

Ye so ayeke si na ala ndali ti baba ti ala laa. Biani, ala zonga azo ti KOTA GBIA so ngangu ti lo ahon angangu kue, ala mu sese ti azo ti lo ti kono na sese ti ala.