3 Jean 1:2 - Mbeti ti Nzapa - Tënë so amu fini

² Ita ti mbi so mbi ye mo mingi, mbi sambela titene aye ti mo kue ague na legeni, mo duti na nzoni tere tongana ti so yingo ti mo ayeke duti nzoni so.

3 Jean 1:2 ပူးပေါင်းရင်းမြစ်များ

Matthieu 9:12

So Jésus ama tënë ti ala, lo tene na ala: “Azo so ayeke na nzoni tere ayeke na nzara ti gue na wanganga pepe, me azo so ayeke na kobela laa ayeke na nzara ti gue na wanganga.

Filipe 2:27

Taa-tënë, tere ti lo aso lani ngangu, angba kete ka lo kui; me Nzapa abaa mawa ti lo. Nzapa abaa gi mawa ti lo oko pepe, me lo baa nga mawa ti mbi si mbi kiri mbi wara vundu pepe, na peko ti tere, na peko ti tere.

Filipe 2:4

Ayeke nzoni zo oko oko asara ye ndali ti nzoni ti lo wani pepe, me lo sara ye ndali ti nzoni ti amba ti lo.

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.

2 Tesalonike 2:13

Ti e, alingbi e ngba ti mu singila lakue na Nzapa ndali ti ala, a-ita, ala so *Kota Gbia aye ala. Biani, ti londo na ndembe so dunia abaa gigi, Nzapa asoro ala titene ala soo kuâ na lege ti Yingo-Vuru so azia ala nde ndali ti Nzapa, ala soo nga kuâ na lege so ala ma na be na taa-tënë.

Jacques 5:12

Gi ye oko, a-ita ti mbi, alingbi ala deba na iri ti yayu, wala na iri ti sese, wala na iri ti mbeni ye pepe. Me tongana ala yeda na mbeni tënë, ala tene gi “een, mbi yeda”; tongana ala ke mbeni tënë, ala tene “ên-en, mbi ke”. Tongaso si ala ti na gbe ti ngbanga ti Nzapa pepe.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

3 Jean 1:1

Mbi *kangba, mbi tokua mbeti so na Gaius so mbi ye lo mingi, mbi ye lo na be ti mbi kue.

Aye so Nzapa afa 2:9

Mbi hinga so mo yeke na ya ti ye ti ngangu, mo yeke wayere – andaa mo yeke zo ti mosoro! – Ambeni zo atene, ani yeke azuife, andaa ala yeke taa azuife pepe. Ala yeke bongbi ti azo so ayeke sambela Satan. Mbi hinga atënë ti mvene so azo ni ayeke du na li ti mo.