2 Timothée 4:6 - Mbeti ti Nzapa - Tënë so amu fini

⁶ Ti mbi, lango titene a mu mbi na *sandaga alingbi awe; lango titene mbi zia sese so alingbi nga awe.

2 Timothée 4:6 ပူးပေါင်းရင်းမြစ်များ

Tongo nda ti aye 48:21

Na pekoni, Jacob atene na Joseph: “Baa, mbi ga nduru ti kui awe. Me fade Nzapa ayeke na ala si lo yeke kiri na ala na sese ti akotara ti ala.

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

Ndia ti fani use ni 31:14

*KOTA GBIA atene na Moïse: “Lango ti kuâ ti mo aga nduru awe. Mo iri Josué; mo na lo ague na ya ti da ti bongo so mbi na azo ti mbi, e yeke wara tere daa. Kâ, fade mbi yeke mu yanga na lo.” Tongaso, Moïse na Josué ague na ya ti da ti bongo so KOTA GBIA na azo ti lo ayeke wara tere daa.

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Josué 23:14

Ti mbi, mbi ga nduru ti zia sese so awe. Me ti ala, ayeke nzoni ala hinga na be ti ala kue, na yingo ti ala kue atene, azendo so kue KOTA GBIA, Nzapa ti ala amu na ala angba senge pepe; lo sara ye kue alingbi na ni.