2 Timothée 4:5 - Mbeti ti Nzapa - Tënë so amu fini

⁵ Ti mo, ayeke nzoni na ya ti ye kue, mo sara ye ahon ndoni pepe, me na legeni. Kanga be ti mo na ya ti pasi, sara kua ti fango Nzoni Tënë na azo, kua so Nzapa amu na mo ti sarango ni, mo sara ni kue.

2 Timothée 4:5 ပူးပေါင်းရင်းမြစ်များ

Ésaïe 62:6

Jérusalem, na ndö ti gbagba ti mo ti bira, mbi zia asanziri. Na kota lâ wala na bi, ala lingbi ti duti kpoo pepe. “Ala so ayeke dabe ti KOTA GBIA na Jérusalem, ala wu tere ti ala pepe!

Jérémie 6:17

Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Ezekiel 33:2

“*Molenge ti zo, tene na azo ti mara ti mo, mo tene: Tongana mbi ga na bira na ndö ti mbeni kodro, azo ti kodro ni ayeke soro na popo ti ala mbeni zo ti zia lo sanziri.

Ezekiel 33:7

“Molenge ti zo, mo laa mbi zia mo sanziri ndali ti azo ti Israel. Fade mo yeke ma tënë ti yanga ti mbi si mo yeke gboto mê ti ala na mbi.

Matthieu 25:16

Lo so lo wara ale ti lôro ngbangbo oku so ague hio si lo de buze na ni, lo kiri lo wara ambeni le ti lôro ngbangbo oku na ndö ni.

Marc 13:34

Ye ni ayeke duti ande tongana mbeni zo so ague na mbeni kodro nde. Lo zia da ti lo na maboko ti azo ti kua ti lo. Lo mu na zo oko oko kua ti sarango ni si lo mu yanga na wabatango-yanga ti da ni titene le ti lo akpengba, lo lango pepe.

Marc 13:37

Tënë so mbi tene na ala so, mbi tene na azo kue: Ala lango pepe!”

Nzoni Tënë so Luc asu na mbeti 12:37

Ti ala nzoni, ala azo ti kua so makonzi ti ala ayeke kiri si lo yeke wara ala na lango pepe! Mbi tene na ala taa-tënë: fade makonzi ti ala ni ayeke yu bongo ti kua, lo yeke mu ndo na ala ti duti na tere ti meza si lo wani, lo yeke mu kobe na ala.

Awatokua 21:8

Na ndade ni, e kiri e hon, e tambula si e si na gbata ti Sezare. So e si kâ, e gue, e lango na da ti Philippe, zo ti fango Nzoni Tënë ti Christ. Lo yeke mbeni oko na popo ti azo mbarambara so a soro ala lani na Jérusalem.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

Efeze 4:12

Lo sara tongaso titene azo ti Nzapa aga azo so alingbi ti sara kua si Eglize so ayeke tere ti Christ amai,

Kolose 1:25

Mbi ga zo ti kua ti Eglize alingbi na kua so Nzapa amu na mbi ti sara ndali ti ala: kua ni ayeke kua ti fango tënë ti Nzapa kue kue kue.

Kolose 4:17

Ti hunzi na tënë ti mbi, ala tene na Arshipe: “Sara hange na kua so Kota Gbia amu na mo! Mo sara ni nzoni.”

1 Tesalonike 5:6

Tongaso, alingbi e lango tongana tanga ti azo pepe, me le ti e akpengba, e sara ye ahon ndoni pepe, me na legeni.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

1 Timothée 4:15

Ye so mo lingbi ti zia be ti mo kue daa ti sara ni laa. Mu tere ti mo kue na kua ni si azo kue abaa so, kua ti mo ayeke gue na nduzu.

2 Timothée 1:8

Tongaso, ye so mo hinga na ndö ti *Kota Gbia ti e, ayeke nzoni mo sara kamene ti fa peko ni na azo pepe; mo sara nga kamene ti mbi pepe, mbi so mbi yeke na da ti kanga ndali ti lo so. Me mo baa pasi ndali ti Nzoni Tënë tongana ti so mbi yeke baa pasi so, mo zia be ti mo na ndö ti ngangu ti Nzapa.

2 Timothée 2:10

Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

2 Timothée 2:3

Mo nga, mo yeda ti baa pasi tongana kpengba turugu ti Jésus Christ.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.

Aye so Nzapa afa 3:2

Ayeke nzoni mo zingo. Ye so angba na mo si ayeke kui kuingo so, ayeke nzoni mo sara titene ye ni akiri atambula ngangu. Biani, mbi baa ye so mo yeke sara ayeke nzoni kue na le ti Nzapa ti mbi pepe.