2 Timothée 4:2 - Mbeti ti Nzapa - Tënë so amu fini

² mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

2 Timothée 4:2 ပူးပေါင်းရင်းမြစ်များ

Abia (Psaumes) 40:9

Nzapa ti mbi, mbi ye ti sara ye so anzere na be ti mo; mbi bata Ndia ti mo na ya ti be ti mbi kâ.

Jonas 3:2

“Londo, mo gue na Ninive, kota gbata so! Mo dekongo na azo ni na tënë ti yanga ti mbi so mbi yeke tene na mo.”

Nzoni Tënë so Luc asu na mbeti 7:23

Ti lo nzoni, lo so lo ma na be na mbi awe si lo kiri lo zia lege ni pepe!”

Nzoni Tënë so Luc asu na mbeti 7:4

Ala si na tere ti Jésus, ala voro lo mingi, atene: “Ayeke nzoni mo sara ye so koli so ahunda na mo,

Nzoni Tënë so Luc asu na mbeti 9:60

Jésus atene na lo: “Zia akuâ alu akuâ ti ala; me ti mo, mo gue, mo fa na azo tënë ti kodro-gbia ti Nzapa.”

Awatokua 13:5

So ala si na Salamine, ala fa tënë ti Nzapa na ya ti ada ti sambelango Nzapa ti azuife. Jean Marc ayeke na tere ti ala ti mu maboko na ala.

Awatokua 16:13

Na *lango ti wungo tere, e sigigi na ya ti gbata ni, e gue na yanga ti *bale; e baa ti e, e tene, e yeke wara mbeni ndo ti sambelango Nzapa kâ. So e duti awe, e tene tënë na awali so abongbi tere ti ala kâ.

Awatokua 20:7

Na lakui ti laposo, e bongbi tere ti te kobe ti beoko. Ndali ti so, tongana ndo ahan, Paul ayeke hon hongo, lo tene tënë ngbii asi na be ti bi.

Awatokua 28:16

So e si na Rome, a mu lege na Paul ti lango na ya ti mbeni senge da nde; a zia mbeni turugu oko na tere ti lo ti bata lo.

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

Galasii 6:6

Zo so mba ti lo ayeke fa na lo nda ti tënë ti Nzapa, alingbi lo mu mbage ti aye ti lo na zo so ayeke fa ye na lo.

Kolose 1:25

Mbi ga zo ti kua ti Eglize alingbi na kua so Nzapa amu na mbi ti sara ndali ti ala: kua ni ayeke kua ti fango tënë ti Nzapa kue kue kue.

Kolose 4:3

Ala sambela nga mingi ndali ti e, tongaso si Nzapa azi na e lege ti fa tënë ti lo, ti fa tënë ti Christ so angba na hondengo ni. Biani, ndali ti tënë so laa mbi yeke na da ti kanga.

1 Tesalonike 1:6

Ti ala, ala sara ye tongana ti e nga tongana ti Kota Gbia; ataa so ala wara tënë ti Nzapa na ya ti pasi mingi, Yingo-Vuru azia ngia na be ti ala.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

1 Tesalonike 5:20

ala baa atënë ti awayanga-Nzapa tongana abuba tënë pepe.

1 Timothée 4:13

Ti ku na gango ti mbi, ayeke nzoni mo zia be ti mo na dikongo Mbeti ti Nzapa, na mungo wango na azo nga na fango ye na azo.

1 Timothée 5:20

Azo so asara siokpari, mo suku na ala na le ti azo kue, tongaso si mbeto agbu atanga ni.

2 Timothée 2:21

Zo so azia lege ti sarango aye ti sioni so mbi yeke tene tënë ni so, fade lo yeke ga tongana sembe so a bata ni ndali ti alango ti matanga, lo yeke ga tongana sembe so a zia ni nde titene wa ni asara na kua na ndembe so lo ye ti sara nzoni ye kue.

2 Timothée 2:25

Azo so ayeke ke tënë na yanga ti lo, ayeke nzoni lo fa ye na ala yeke-yeke. E hinga pepe, Nzapa ayeke sara titene ala zia ngbene lege ti sarango ye ti ala, ala hinga taa-tënë

2 Timothée 3:10

Me ti mo, mo mu lani peko ti mbi na lege ti aye so: fango ye ti mbi, dutingo ti mbi, aye so mbi leke na be ti mbi ti sarango ni, mabe ti mbi, kangango be ti mbi ti ku ye, ndoye ti mbi, kangango be ti mbi

Tite 1:13

Tënë so lo tene so ayeke taa-tënë. Ndani laa, alingbi mo suku na ala ngangu si mabe ti ala aduti na legeni;

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.

Ahebro 13:22

A-ita ti mbi, mbi hunda na ala titene ala kanga be ti ala, ala yeda na atënë so kue mbi tene ti mu ngangu na be ti ala. Ala baa, mbi tokua na ala yongoro mbeti pepe.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!