2 Timothée 4:18 - Mbeti ti Nzapa - Tënë so amu fini

¹⁸ Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

2 Timothée 4:18 ပူးပေါင်းရင်းမြစ်များ

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

1 Mbai 4:10

Yabes asambela Nzapa ti Israel, atene: “Ayeke nzoni mo sara tufa na ndö ti mbi, mo sara si le ti sese ti mbi akiri akono mingi, mo zia maboko ti mo na ndö ti mbi ti bata mbi, mo sara si akpale na pasi ahon yongoro na tere ti mbi!” Nzapa amu na lo ye so lo hunda.

Abia (Psaumes) 121:7

Fade KOTA GBIA ayeke bata mo na ya ti asioni ye kue, fade lo yeke bata fini ti mo.

Abia (Psaumes) 37:28

Biani, KOTA GBIA aye sarango ye ti mbirimbiri, lo yeke zia azo ti lo pepe. Lo yeke bata ala lakue; me ti ahale ti azo ti sioni, lo yeke bi ala na gigi.

Abia (Psaumes) 73:24

mo yeke fa lege na mbi alingbi na ye so mo leke na be ti mo, na pekoni, fade mo yeke yamba mbi na gonda.

Abia (Psaumes) 92:10

KOTA GBIA, baa awato ti mo; baa, fade awato ti mo ayeke kui si azo ti sarango sioni kue ayeke kangbi kirikiri.

Amato 14:32

Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Matthieu 13:43

Me fade azo ti mbirimbiri ayeke za zango tongana lâ na ya ti Kodro-gbia ti yayu, lo so lo yeke Babâ ti ala. Zo so ayeke na mê ti mango ndo, ayeke nzoni lo ma tënë so!”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 11:4

Zi siokpari ti e na li ti e, ngbanga ti so e nga, e yeke zi siokpari na li ti azo so kue asara sioni na e. Sara si e ti na ya ti ye ti tarango be pepe.”

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Nzoni Tënë so Luc asu na mbeti 22:29

Tongana ti so Babâ amu na mbi *Kodro-gbia, mbi nga, mbi yeke mu kodro-gbia na ala:

Jean 17:15

Mbi hunda na mo pepe ti zi ala na dunia so, me ti bata ala si Sioni wato asara sioni na ala pepe.

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Rome 16:27

Nzapa oko laa ayeke na ndara. Gonda ayeke ti lo kpu na kpu na lege ti Jésus Christ! Amen.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 10:13

Aye ti tarango be so kue asi na ala ayeke aye so ayeke si na azo kue. Nzapa ayeke sara ye alingbi na tënë ti yanga ti lo: lo lingbi ti zia ala titene aye ti tarango be ahon ngangu ti ala pepe. Me tongana ye ti tarango be asi, fade Nzapa ayeke mu na ala ngangu titene ala kanga be ti ala daa, lo yeke mu nga na ala lege ti sigingo na ya ni.

1 Korente 15:50

A-ita, tënë so mbi tene ayeke so: tere ti e ti zo alingbi ti li na ya ti *Kodro-gbia ti Nzapa pepe; ye so ayeke buba bubango alingbi ti wara lege ti ngba na fini lakue lakue pepe.

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

Galasii 1:5

Gonda ayeke ti lo kpu na kpu! Amen.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

2 Tesalonike 3:3

Me Kota Gbia ayeke sara ye alingbi na tënë ti yanga ti lo: fade lo yeke sara titene ala kpengba, lo yeke bata ala si Sioni wato asara sioni na ala pepe.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 4:1

Na le ti Nzapa nga na le ti Jésus Christ so ayeke ga ande ti fâ ngbanga ti azo so ade na fini na azo so akui awe, ndali ti kiringo ti lo ti ga ti duti *Kota Gbia, mbi hunda na mo titene

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

Ahebro 12:22

Me ti ala a-ita, ala ga nduru na hoto ti *Sion awe, gbata ti Nzapa, lo so lo yeke na fini. Gbata ni ayeke Jérusalem ti yayu so *a-ange kutu kutu abongbi tere ti ala daa ti sara matanga.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.

1 Pierre 5:11

Komandema ayeke ti lo kpu na kpu! Amen.

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”

1 Samuel 25:39

David ama a tene, Nabal akui si lo tene: “Mbi mu singila mingi na *KOTA GBIA so agbu koko ti mbi ndali ti zonga so Nabal azonga na mbi so. Mbi mu singila na KOTA GBIA so akanga lege na mbi, zo ti kua ti lo si mbi sara sioni oko pepe so. KOTA GBIA asara si sioni ti Nabal akiri na li ti lo wani.” Na pekoni, David atokua azo na Abigail ti tene na lo, tongana lo yeda, ni mu lo ti ga wali ti ni.