2 Timothée 4:12 - Mbeti ti Nzapa - Tënë so amu fini

¹² Mbi tokua Tishike na Efeze awe.

2 Timothée 4:12 ပူးပေါင်းရင်းမြစ်များ

Awatokua 18:19

Ala si na Efeze, Paul azia Priscille na Akilas kâ. Lo gue na ya ti da ti sambelango Nzapa si lo tene tënë na azuife.

Awatokua 18:21

So lo zia ala ti hon, lo tene na ala: “Tongana Nzapa aye, fade mbi yeke kiri ti ga ge na ndo ti ala.” Tongaso lo mu mangboko na Efeze si lo gue.

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

Awatokua 20:25

“Mbi tambula na popo ti ala kue si mbi fa na ala tënë ti *Kodro-gbia ti Nzapa kue awe. Ti fadeso, mbi hinga, mbi tene, mbeni zo oko na popo ti ala ayeke kiri ti baa le ti mbi pepe.

Awatokua 20:4

Azo so lo na ala ague ayeke Sopater, molenge ti Pirus, zo ti Bere, Aristarke na Sekundus, azo ti Tesalonike, Gaius, zo ti gbata ti Derbe, Tishike na Trofime, azo ti sese ti Azii nga na Timothée.

Efeze 6:21

Mbi ye si ala nga, ala hinga asango na ndö ti mbi nga na ndö ti aye so mbi yeke sara. Tishike, ita ti e so mbi ye lo mingi si lo yeke sara kua ti *Kota Gbia na legeni, fade lo yeke fa na ala atënë so kue.

Efeze 6:22

Mbi tokua lo na ala gi titene lo tene tënë ti dutingo ti e na ala si lo mu nga ngangu na be ti ala.

Kolose 4:7

Tishike, ita ti e so mbi ye lo mingi ayeke fa na ala tënë kue na ndö ti dutingo ti mbi. Lo yeke sara kua na tere ti mbi tongana taa zo ti kua ti *Kota Gbia.

1 Timothée 1:3

Tongana ti so mbi mu lani yanga na mo na guengo ti mbi na sese ti Masedoane, ayeke nzoni mo ngba na gbata ti Efeze. Kâ, ambeni zo ayeke fa ye so alingbi na tënë ti Nzapa pepe. Alingbi mo ke na ala na kuru go ti fa aye ni so.

Tite 3:12

Tongana mbi tokua Artemas wala Tishike na mo, mo gi lege ngangu ti ga ti wara mbi na gbata ti Nikopolis. Mbi leke be ti mbi ti ngba kâ na ngoi ti de.