2 Timothée 3:3 - Mbeti ti Nzapa - Tënë so amu fini

³ Ala yeke na be ti zo pepe, ala yeke sara mawa ti amba ti ala pepe, ala yeke tene sioni tënë na iri ti amba ti ala, ala yeke kanga nzara ti tere ti ala pepe, ala yeke sara pasi na amba ti ala, ala ye ti sara nzoni ye pepe.

2 Timothée 3:3 ပူးပေါင်းရင်းမြစ်များ

Tongo nda ti aye 49:7

Mbi deba ngonzo ti ala; ngonzo ti ala ni ayeke sioni mingi! Mbi deba nga sarango ye ti ala na ngonzo; sarango ye ti ala ni ayeke sioni mingi! Mbi yeke kangbi ya ti ala na sese ti Jacob kue si ala yeke kangbi tere ti ala na ya ti kodro ti Israel.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Abia (Psaumes) 22:6

Ala dekongo na mo si mo zi ala na ya ti pasi; ala zia be ti ala na ndö ti mo si kamene agbu le ti ala pepe.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Ésaïe 60:14

Amolenge ti azo so lani asara ngangu na mo, fade ala yeke ba li ti ala na sese si ala yeke ga na mbage ti mo; azo so lani abaa mo tongana mbumbuse zo, ala yeke ga ti kuku na gbe ti mo. Ala yeke iri mo: “Gbata ti KOTA GBIA”, “*Sion, gbata ti Nzapa ti Israel so ayeke nde si ayeke nzoni kue.”

Daniel 8:23

Lango ti ala ti dutingo gbia ayeke hunzi si azo ayeke sara siokpari ngbii ahon ndoni. Na pekoni mbeni gbia ayeke londo ande so be ti lo ayeke sioni mingi; zo ti hinga lege ti handango azo tongana lo ayeke daa pepe.

Matthieu 10:21

Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Matthieu 4:1

Na pekoni, Yingo ague na Jésus na benyama titene Zabolo atara be ti lo.

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Nzoni Tënë so Luc asu na mbeti 16:14

*Afarizien so aye nginza mingi so, ama tënë so kue si ala yeke he Jésus na ngia.

Jean 6:70

Jésus akiri tënë na ala, atene: “Mbi laa mbi soro ala so baleoko na use so pepe? Andaa mbeni zo oko na popo ti ala ayeke ti lo mbeni zabolo!”

Rome 1:29

Asioni ye nde nde asi singo na be ti ala: ye so ayeke mbirimbiri pepe, sioni be, nzara ti warango ye mingi; ala yeke azo ti sioni be, kota be ahon ndö ti ala, ala yeke azo ti fango zo, azo ti papa, azo ti mvene, azo ti mbana, azo ti dungo mvene na iri ti amba ti ala,

Rome 1:31

li ti ala ayeke daa pepe, ala yeke azo so asara ye alingbi na zendo ti ala pepe, ala yeke na be ti zo pepe, ala yeke baa mawa ti amba ti ala pepe.

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.

1 Korente 7:9

Me tongana ala yeke na ngangu ti kangango nzara ti tere pepe, ayeke nzoni ala mu wali wala koli, ngbanga ti so mungo wali wala koli ayeke nzoni ahon titene nzara ti tere ahon ndö ti ala.

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Timothée 3:11

Alingbi awali ni nga ayeke azo so ane tere ti ala, ala yeke tene sioni tënë na iri ti zo pepe, ala yeke sara ye ahon ndoni pepe, me na legeni; azo alingbi ti zia be na ndö ti ala na ya ti aye kue.

Tite 1:8

Me lo yeke yamba azo nzoni na da ti lo, lo ye ti sara gi nzoni ye; lo yeke tene tënë na legeni, lo yeke zo ti mbirimbiri, lo duti nde ndali ti Nzapa, lo hinga ti kanga anzara ti tere ti lo.

Tite 2:3

Mo tene nga na ambakoro-wali titene ala duti tongana azo so aduti nde ndali ti Nzapa: alingbi ala tene sioni tënë na iri ti zo pepe, ala yeke angbaa ti samba pepe, ala fa na azo ye so ayeke nzoni,

Jacques 2:6

Me ti ala, ala yeke baa awayere na le ti ala tongana abuba zo! A-ita, azo wa laa ayeke gboto ala na sese si ayeke gue na ala na gbe ti azo ti fango ngbanga? Azo ti mosoro pepe?

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

2 Pierre 2:19

Ala yeke mu zendo na azo atene, fade ala yeke zi azo ni na gbe ti ngbaa. Andaa ala wani ayeke angbaa ti aye so ayeke gboto ala ti gue na ala na kuâ, ngbanga ti so zo ayeke ngbaa ti ye so nzara ni ahon ndö ti lo.

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Jude 1:18

Awatokua ni atene na ala: “Na lango ti ndani, azo ayeke he ala na ngia, azo ti sioni so ayeke sara ye alingbi gi na asioni nzara ti be ti ala.”

Aye so Nzapa afa 13:15

A mu ngangu na nyama so asigigi na ya ti sese titene lo tokua pupu na ya ti limo ti nyama so, tongaso si limo ni awara lege ti tene tënë si lo fâ azo so kue ayeke voro lo pepe.

Aye so Nzapa afa 13:17

Zo so ayeke na nzoroko so pepe, lo lingbi ti vo ye wala ti ka ye pepe. Nzoroko ni ayeke iri ti nyama ni wala nimoro ti iri ti lo.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.