2 Timothée 2:9 - Mbeti ti Nzapa - Tënë so amu fini

⁹ Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

2 Timothée 2:9 ပူးပေါင်းရင်းမြစ်များ

Nzoni Tënë so Luc asu na mbeti 23:32

Azo amu nga ambeni koli use so ayeke asioni zo, ague na ala ti fâ ala legeoko na Jésus.

Awatokua 21:33

Tongaso kota komanda ti aturugu ni ague nduru na tere ti Paul, lo mu yanga titene ala gbu lo, akanga lo na zingiri use. Na pekoni, lo hunda azo ni, lo tene: “Lo yeke zo wa? Nyen laa lo sara?”

Awatokua 28:31

Lo yeke fa tënë ti Kodro-gbia ti Nzapa si lo yeke fa tënë ti *Kota Gbia Jésus Christ na mbeto pepe, mbeni zo akanga lege na lo pepe.

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Filipe 1:17

Ambeni ayeke fa tënë ni gi ti gi na kota ndo, be ti ala ayeke sioni; ala tene na be ti ala atene, ala yeke sara si pasi ti mbi akiri ahon ndoni na da ti kanga.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

Kolose 4:18

Mbi Paul, mbi wani laa, mbi su atënë so: mbi bara ala. Ala dabe ti ala so mbi yeke na da ti kanga! Ayeke nzoni Nzapa asara nzoni be na ala!

Kolose 4:3

Ala sambela nga mingi ndali ti e, tongaso si Nzapa azi na e lege ti fa tënë ti lo, ti fa tënë ti Christ so angba na hondengo ni. Biani, ndali ti tënë so laa mbi yeke na da ti kanga.

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.

2 Tesalonike 3:1

Ti hunzi na ni, a-ita, ala sambela ndali ti e si tënë ti *Kota Gbia angba ti hon na ndo kue si azo agonda tënë ni tongana ti so azo ayeke gonda ni na ndo ti ala, a-ita.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

2 Timothée 1:8

Tongaso, ye so mo hinga na ndö ti *Kota Gbia ti e, ayeke nzoni mo sara kamene ti fa peko ni na azo pepe; mo sara nga kamene ti mbi pepe, mbi so mbi yeke na da ti kanga ndali ti lo so. Me mo baa pasi ndali ti Nzoni Tënë tongana ti so mbi yeke baa pasi so, mo zia be ti mo na ndö ti ngangu ti Nzapa.

2 Timothée 2:3

Mo nga, mo yeda ti baa pasi tongana kpengba turugu ti Jésus Christ.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

1 Pierre 2:14

Ala ma nga yanga ti agovoronere so lo zia na li ti akodro ti fâ ngbanga na li ti azo ti sarango sioni ye, me ti gonda azo so ayeke sara nzoni ye.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

1 Pierre 4:15

Alingbi mbeni zo oko na popo ti ala abaa pasi pepe ndali ti tënë ti fango zo, wala tënë ti nzi, wala tënë ti sarango sioni ye, wala tënë ti yorongo yanga na ya ti tënë ti mbeni zo.