2 Timothée 2:22 - Mbeti ti Nzapa - Tënë so amu fini

²² Mo kpe aye nde nde so nzara ni ayeke gbu ka amaseka. Mo sara kue ti ga mbirimbiri na le ti Nzapa, ti duti na mabe, na ndoye nga na siriri na azo so ayeke sambela Kota Gbia na vurungo be.

2 Timothée 2:22 ပူးပေါင်းရင်းမြစ်များ

Abia (Psaumes) 119:9

Fade maseka ayeke sara tongana nyen ti bata lege ti lo mbirimbiri? – Na lege ti sarango ye alingbi na tënë ti mo.

Abia (Psaumes) 17:1

Sambela ti David. *KOTA GBIA, ma tënë ti mbi, tënë ni ayeke na legeni; dingi mê ti mo, mo ma toto ti mbi na sambela ti mbi: tënë ti handango zo ayeke na yanga ti mbi pepe.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 6:5

Zi tere ti mo na ya ti kuku ni tongana dengbe; zi tere ti mo na ya ti gbanda ni tongana ndeke.

Amato 7:8

Lo yeke hon na lege, nduru na ndo so wali ni so ayeke daa. Lo mu lege ti gue na da ti wali ni.

Awayango-sandaga 15:18

“Tongana mbeni koli na mbeni wali aduti koli na wali, alingbi ala use kue asukula ngu; ala yeke ngba *sioni ngbii asi na lakui.

Awatokua 7:59

So ala yeke bo Étienne na têne, lo sambela, lo tene: “*Kota Gbia Jésus, mu yingo ti mbi!”

Awatokua 9:14

Lo ga ge na Damas na ngangu so akota wayango-sandaga amu na lo ti gbu azo so kue ayeke di iri ti mo ti kanga ala.”

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 14:19

Tongaso, alingbi e gi ye so ayeke ga na siriri si e oko oko kue, e kpengba na lege ti mabe.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 10:14

Ndani laa, a-ita ti mbi so mbi ye ala mingi, ala kpe lege ti vorongo anzapa nde!

1 Korente 14:1

Ala gi lege ngangu ti ye amba ti ala. Ala sara nga nzara ti wara amatabisi ti Yingo, me matabisi so ala lingbi ti gi lege ni mingi ayeke tenengo peko ti tënë ti yanga ti Nzapa.

1 Korente 6:18

Ala kpe lege ti gingo wali wala gingo koli kirikiri! Atanga ti siokpari so kue zo ayeke sara ayeke ndu tere ti lo wani pepe; me zo so agi wali wala koli kirikiri, andaa lo sara sioni na tere ti lo wani.

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

1 Timothée 6:11

Ti mo zo ti Nzapa, mo kpe lege ti aye so kue. Mo gi lege ti ga mbirimbiri na le ti Nzapa, ti gbu tënë ti lo ngangu, ti duti na mabe, ti duti na ndoye, ti kanga be ti mo na ya ti aye so ayeke si na mo, ti duti nga na wokongo be.

Ahebro 12:14

Ala gi lege ngangu ti duti na siriri na azo kue, ala gi nga lege ngangu titene fini ti ala aduti nde si aduti nzoni kue. Tongaso pepe, fade zo oko alingbi ti baa *Kota Gbia pepe.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

1 Pierre 3:11

lo zia ti sara sioni ye si lo sara nzoni ye; lo gi lege ti siriri, lo ngba daa.

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.