2 Timothée 2:2 - Mbeti ti Nzapa - Tënë so amu fini

² Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

2 Timothée 2:2 ပူးပေါင်းရင်းမြစ်များ

Esdras 7:10

Biani, Esdras azia be ti lo kue ti gi nda ti *Ndia ti KOTA GBIA, ti sara ye alingbi na ni. Lo ye nga ti fa na azo ti Israel atënë ti ndia ni nga na aye so ndia afa.

Esdras 7:25

“Ti mo Esdras, na lege ti ndara so Ndia ti Nzapa amu na mo si mbeti ni ayeke na maboko ti mo so, ayeke nzoni mo soro ambeni makonzi na ambeni wafango-ngbanga so fade kua ti ala ayeke ti fâ ngbanga ti azo so kue ahinga andia ti Nzapa ti mo; so ti tene azo so kue ayeke na sese ti mbage ti Do ti ngu ti Efrate. Ala yeke fa nga andia ni na azo so ahinga ni pepe.

Néhémie 7:2

Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

Abia (Psaumes) 101:6

Na ya ti kodro, fade mbi yeke soro azo so alingbi titene ala duti na tere ti mbi; zo so tambula ti lo alingbi kue, lo laa lo yeke sara ande kua na mbi.

Amato 13:17

Sioni zo ti tokua aga na kpale na ndö ti azo; me nzoni zo ti tokua asara si aye akiri aga nzoni.

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Awayango-sandaga 14:42

Na pekoni, a yeke mu ambeni têne nde ti zia na ndo so lani akozo têne ni ayeke daa; a yeke mu mbeni sese nde, a sara na potopoto ti bo na tere ti da ni.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Wungo ti azo 12:7

Ti Moïse, zo ti kua ti mbi, ye ni ayeke tongaso pepe. Lo laa mbi zia be ti mbi na ndö ti lo ti baa ndo na ndö ti aye ti da ti mbi kue.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Matthieu 24:25

Mbi tene tënë ni na ala, ala ma awe!

Nzoni Tënë so Luc asu na mbeti 12:42

Kota Gbia atene na lo: “Ndombe so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti azo ti kua ti lo titene lo mu na ala kobe tongana ngbonga ni alingbi.

1 Korente 4:2

Me ye so a yeke hunda na awabatango-ye, ayeke titene ala sara kua ti ala na legeni.

2 Korente 2:14

E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.

2 Korente 3:5

E baa tere ti e pepe, e tene, e lingbi ti sara kua ni na ngangu ti e wani, me e lingbi ti sara kua ni na ngangu so alondo na Nzapa.

Kolose 1:7

Epafras, mba ti e zo ti kua so e ye lo mingi afa tënë so na ala; lo yeke nga taa zo ti kua ti Christ ndali ti ala.

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

1 Timothée 1:18

Timothée, molenge ti mbi, aye so mbi fa, mbi zia na maboko ti mo, alingbi na atënë ti peko ti yanga ti Nzapa so azo atene na ndö ti mo. Ayeke nzoni mo luti na ndö ti atënë ni ti tiri nzoni bira na legeni;

1 Timothée 4:14

Matabisi so Nzapa amu na mo, mo sara mbana na ni pepe. Mo wara matabisi ni lani na peko ti tënë ti yanga ti Nzapa na ngoi so bongbi ti *akangba azia maboko ti ala na ndö ti mo.

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

1 Timothée 6:12

Tiri nzoni bira ti mabe na legeni titene mo gbu fini so angba lakue lakue. Biani, Nzapa airi mo ando ti wara fini ni so si mo tene tënë ti mabe ni pendere na le ti azo mingi so.

2 Timothée 3:10

Me ti mo, mo mu lani peko ti mbi na lege ti aye so: fango ye ti mbi, dutingo ti mbi, aye so mbi leke na be ti mbi ti sarango ni, mabe ti mbi, kangango be ti mbi ti ku ye, ndoye ti mbi, kangango be ti mbi

2 Timothée 3:14

Me ti mo, ayeke nzoni mo ngba na ndö ti ye so lani a fa na mo, mo yeda na ni si mo hinga, mo tene, ayeke taa-tënë so; mo hinga azo so afa ye ni na mo awe.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.