2 Timothée 2:19 - Mbeti ti Nzapa - Tënë so amu fini

¹⁹ Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

2 Timothée 2:19 ပူးပေါင်းရင်းမြစ်များ

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 1:6

KOTA GBIA ayeke bata azo ti mbirimbiri, me lege ti azo ti sioni ayeke gue na kuâ.

Abia (Psaumes) 112:6

Biani, mbeni ye ayeke yingi lo laoko pepe; azo ayeke dabe ti ala na zo ti mbirimbiri kpu na kpu.

Abia (Psaumes) 34:14

Alingbi mo bata yanga ti mo na sioni tënë, mo bata yanga ti mo na atënë ti mvene.

Abia (Psaumes) 37:18

Azo so alingbi kue, KOTA GBIA ahinga lango ti ala; kodro so aga ti ala, fade ayeke ngba ti ala lakue.

Abia (Psaumes) 97:10

Ala so ala ye KOTA GBIA, ala ke ye ti sioni; lo yeke bata fini ti azo ti lo, lo yeke zi ala na maboko ti azo ti sioni.

Amato 10:25

Tongana ngangu pupu ahon awe, zo ti sioni ayeke daa mbeni pepe! Me zo ti mbirimbiri aluti ti lo ngangu lakue.

Amato 3:7

Mo baa tere ti mo wani tongana zo ti ndara pepe, me mo kpe mbeto ti KOTA GBIA; mo zia lege ti sioni ye.

Ésaïe 14:32

Azo so azo ti Filistii atokua ala so, tënë ti nyen laa a yeke kiri na ni na ala? Tënë ni ayeke so: *KOTA GBIA wani laa alu gere ti *Sion. Na ndo so laa asenge zo ti lo ayeke duti daa, mbeni ye ti sioni ti sara ala ayeke daa pepe.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Ésaïe 63:19

Ngbene ye aninga awe, e yeke tongana azo so mo kiri mo le-gbia na ndö ti ala pepe, e yeke tongana azo so iri ti mo ayeke na ndö ti ala mbeni pepe. Tongana mo suru fade le ti nduzu si mo zu, ka ahoto ayingi na dawa ti mo,

Ésaïe 65:15

Azo so mbi soro ala ayeke mu iri ti ala, azo ti sioni, ti deba azo na ni; ala yeke tene: ‘Alingbi Kota Gbia NZAPA afâ mo tongana zo tongaso!’ Me ti ala, azo ti kua ti mbi, fade a yeke mu mbeni iri nde na ala.

Ezekiel 9:4

lo tene na lo: “Mo tambula na ya ti gbata ti Jérusalem kue. Ambeni zo ayeke na ya ti gbata ni so ayeke dema si ayeke toto ndali ti asioni ye so azo ayeke sara na ya ti gbata ni si zo alingbi ti baa na le ti lo fani use pepe so. Fade mo yeke su mbeni nzoroko na ndö ti le ti ala.”

Nahum 1:7

KOTA GBIA ayeke nzoni; na ngoi ti ye ti ngangu, lo yeke ndo so zo akpe daa ti bata tere ti lo. Lo yeke bata azo so azia be ti ala na ndö ti lo

Aggée 2:23

So tënë ti yanga ti KOTA GBIA so ayeke na ndö ti dunia kue laa: Na lango ni so, fade mbi yeke mu mo, Zorobabel, molenge ti Shealtiel, mo so mo yeke zo ti kua ti mbi, so tënë ti yanga ti KOTA GBIA laa, mbi yeke zia mo tongana *ye ti kpongo na nzoroko ti mbi, ngbanga ti so, mo laa mbi soro mo; so tënë ti yanga ti KOTA GBIA so ayeke na ndö ti dunia kue laa.’ ”

Zakarii 3:9

Baa, mbi zia mbeni têne na dawa ti Yeshua. Na ndö ti têne ni, ale ni ayeke daa mbarambara. Mbi wani, mbi yeke kpaka mbeni nzoroko na ndö ti têne ni; so tënë ti yanga ti *KOTA GBIA so ayeke na ndö ti dunia kue laa. Gi na lango oko, mbi yeke zi asioni ti kodro so.

Wungo ti azo 16:5

Na pekoni, lo tene na Kore na azo so amu peko ti lo so, atene: “Kekereke na ndaperere, fade KOTA GBIA ayeke fa zo so ayeke ti lo, zo so lo zia lo nde ndali ti lo, zo so lo yeda na lo ti ga nduru na lo. Zo so KOTA GBIA asoro lo, fade lo yeke zia lege na zo ni ti ga nduru lo.

Wungo ti azo 6:27

Tongana awayango-sandaga adi iri ti mbi tongaso ti sara na tufa na ndö ti azo ti Israel, fade mbi yeke sara tufa na ndö ti ala.”

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Matthieu 7:23

Fade mbi yeke tene na ala: ‘Mbi hinga ala oko pepe. Ala hon yongoro na tere ti mbi, ala azo ti sarango sioni!’ ”

Matthieu 7:25

Ngu-Nzapa apika, ngu asuku amu ndo kue, pupu aya ngangu na ndö ti da ni, me da ni akungbi pepe, ngbanga ti so gere ni ayeke na ndö ti kota têne.

Marc 12:16

Ala mu mbeni le ti nginza aga na ni si Jésus ahunda ala, atene: “So li ti zo wa laa? So iri ti zo wa laa na le ti nginza so?” Ala tene na lo: “Ti kota gbia ti Rome.”

Marc 13:22

Biani, fade amesii ti mvene na awayanga-Nzapa ti mvene ayeke ga si ala yeke sara aye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Nzoni Tënë so Luc asu na mbeti 13:27

Me fade lo yeke tene na ala: ‘Mbi hinga ndo so ala londo daa pepe. Ala hon yongoro na tere ti mbi, ala azo so kue ayeke sara sioni!’

Nzoni Tënë so Luc asu na mbeti 6:48

lo yeke tongana zo so ayeke sara da; lo zi du so ali si lo leke gere ti da ni na ndö ti têne. Ngu asuku amu ndo kue, ngu asua ngangu, apika tere ti da ni, me da ni ayingi oko pepe, ngbanga ti so lo sara da ni nzoni.

Jean 10:14

Mbi yeke nzoni wabatango-taba. Mbi hinga ataba ti mbi si ala nga, ala hinga mbi,

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.

Jean 3:33

Zo so ayeda na tënë ti lo, lo yeke fa mbirimbiri na le ti azo so, Nzapa ayeke tene taa-tënë.

Awatokua 11:26

So lo wara lo, lo ga na lo na Antioshe. Na ya ti ngu oko kue, ala use asara kua oko na ya ti Eglize ni si ala fa ye na gba ti azo. Kâ na Antioshe laa azo ato nda ti iri adisiple “azo ti Christ”.

Awatokua 15:17

Tongaso, fade tanga ti azo kue ayeke gi *Kota Gbia, ala na amara so kue mbi iri ala ti ga azo ti mbi. Baa, tënë so Kota Gbia atene laa. Aye so lo sara,

Awatokua 9:14

Lo ga ge na Damas na ngangu so akota wayango-sandaga amu na lo ti gbu azo so kue ayeke di iri ti mo ti kanga ala.”

Rome 11:2

Nzapa ake azo ti lo pepe, azo ti lo so lo soro ala kozoni so. Na ya ti Mbeti ti Nzapa, ala hinga pepe tënë ti Élie so adema tere ti lo na Nzapa ndali ti sarango ye ti azo ti Israel so? Lo tene:

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

Rome 15:20

Tënë so agbu be ti mbi si mbi ye mingi ti sara ni ayeke ti fa Nzoni Tënë ni gi na ndo so ambeni zo ade ti di iri ti Christ daa pepe. Mbi sara tongaso si mbi sara da pepe na ndö ti gere ti da so mbeni zo aleke kozoni awe.

Rome 15:9

Christ asara nga tongaso ti mu lege na azo ti amara nde ti gonda Nzapa ndali ti nzoni be so lo sara na ala, tongana ti so Mbeti ti Nzapa atene: “Ndani laa, fade mbi yeke sepela mo na popo ti amara nde, mbi yeke he bia ti gonda iri ti mo.”

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

Rome 9:11

Andaa ye so Nzapa aleke na be ti lo ayeke ti soro zo: lo yeke soro zo ndali ti sarango ye ti lo pepe, me tongana ti so be ti lo aye; lo laa lo yeke iri zo. Titene Nzapa abata tënë ti yanga ti lo, lo tene na Rébecca: “Fade kozo molenge ti mo ayeke sara kua na gbe ti ngambe ni.” Nzapa atene tënë ni kozo titene Rébecca adu amolenge ni, andaa ala de ti sara nzoni wala sioni pepe.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 8:3

Me tongana zo aye Nzapa, Nzapa ahinga lo awe.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Efeze 3:15

lo so lo mu iri na aye so kue ayeke na fini na yayu nga na ndö ti sese.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

1 Timothée 6:19

Tongana ala sara tongaso, ala yeke bongbi ndali ti angoi so ayeke ga mbeni kpengba mosoro so ayeke nzoni si ala lingbi ti wara taa fini.

Ahebro 11:10

Abraham asara tongaso, ngbanga ti so lo yeke ku gbata so agere ni ayeke tongana agere ti da so akpengba. Nzapa wani laa ayeke wakode-kua ti gbata ni, lo laa lo leke ni.

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

Aye so Nzapa afa 17:8

Nyama so mo baa lo so ayeke ando na fini, me lo yeke na fini mbeni pepe. Lo yeke londo ande na ya ti *kota du so alinda mingi si lo yeke sigigi titene a buba lo biani biani. Fade li ti azo ti sese ayeke kpe na bango nyama ni, so ti tene azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa. Biani, nyama ni ayeke ando na fini, me fadeso lo yeke na fini mbeni pepe; fade lo yeke kiri ti ga.

Aye so Nzapa afa 2:13

Mbi hinga ndo so mo yeke duti daa: ayeke ndo so Satan azia mbata ti lo ti gbia daa, me mo ngba na tere ti mbi; be ti mo so mo zia na ndö ti mbi, mo zia lege ni pepe, ataa na ndembe so a fâ Antipas, lo so lo fa tënë na ndö ti mbi na legeni, na ndo so Satan azia mbata ti lo ti gbia daa.

Aye so Nzapa afa 21:14

A leke agere ti gbagba ni na ndö ti têne baleoko na use; a su iri ti *awatokua baleoko na use ti Molenge ti Taba na ndö ti atêne ni oko oko.

Aye so Nzapa afa 22:4

Azo ni ayeke baa le ti lo si a yeke su iri ti lo na ndö ti le ti ala.

Aye so Nzapa afa 3:8

Lo tene: Mbi hinga aye so mo yeke sara. Mbi zi mbeni yanga ti da na dawa ti mo so mbeni zo alingbi ti kanga ni pepe. Mo yeke na ngangu mingi pepe, me mo sara ye alingbi na tënë ti mbi si mo bere tënë ti mbi pepe.