2 Timothée 2:16 - Mbeti ti Nzapa - Tënë so amu fini

¹⁶ Mo kpe lege ti asenge senge tënë so asongo na mabe pepe. Biani, azo so amu tere ti ala na tenengo amara ti tënë so, fade ala yeke hon gi hongo yongoro na tere ti Nzapa.

2 Timothée 2:16 ပူးပေါင်းရင်းမြစ်များ

Esdras 10:10

Wayango-sandaga Esdras alondo si lo tene na ala: “Azo ti Israel, ala sara ye so ayeke sioni mingi na lege so ala mu awali so ayeke awande ti ga awali ti ala. So ayeke mbeni siokpari so ala zia na ndö ti asiokpari so azo ni asara awe.

Osée 12:1

KOTA GBIA atene: “Azo ti Efraim angoro mbi na tënë ti mvene, azo ti Israel angoro mbi na tënë ti handango ndo. Azo ti Juda angba ti tambula na Nzapa, me ala ngba ti sara na anzapa nde.”

1 Korente 15:33

Ala handa tere ti ala pepe. “Mo mu peko ti zo ti sioni, mo yeke ga zo ti sioni.”

1 Korente 5:6

Ye so ala yeke pika kate ti ala daa so, anzere oko pepe! Ala hinga pepe atene, gi kete mama ti mapa laa ayeke sara titene mapa ni kue alondo?

1 Timothée 1:9

Alingbi e hinga ye so: azo so ayeke sara ye mbirimbiri, ndia ayeke ndali ti ala pepe; me ndia ayeke ndali ti azo so ake ti ma yanga, azo ti ngangu li, azo so ake tënë ti Nzapa, azo ti sarango siokpari, azo so akpe ye ti Nzapa wala ye ti yingo pepe, azo so ayeke fâ ababâ na amama ti ala, azo ti fango zo,

1 Timothée 4:7

Mo ke ambai ti mvene so azo ayeke tene kirikiri si alingbi na tënë ti mabe pepe so. Me mo gbu tënë ti Nzapa ngangu.

1 Timothée 6:20

Timothée, mo bata ye so Nzapa azia na maboko ti mo so nzoni. Mo kpe lege ti asenge senge tënë so asongo na mabe pepe, mo kpe nga lege ti atënë ti mvene ti azo so abaa ti ala atene, ala hinga aye ti nda ti gigi so.

2 Timothée 2:14

Mo dabe ti azo na atënë so kue. Na le ti Nzapa, mo tene na ala ti kai apapa ndali ti lege so azo ayeke di iri ti aye. Apapa so ayeke sara nzoni ye oko na zo pepe, ayeke sara gi sioni na azo so ayeke ma ni.

2 Timothée 2:21

Zo so azia lege ti sarango aye ti sioni so mbi yeke tene tënë ni so, fade lo yeke ga tongana sembe so a bata ni ndali ti alango ti matanga, lo yeke ga tongana sembe so a zia ni nde titene wa ni asara na kua na ndembe so lo ye ti sara nzoni ye kue.

2 Timothée 3:13

Ti azo ti sioni na azo ti handango amba ti ala, fade ala yeke ngba ti sara sioni ti gue na ni; ala yeke handa azo si azo ayeke handa nga ala.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

Tite 1:14

alingbi ala zia be ti ala pepe na ndö ti atoli ti azuife nga na ndö ti fango tënë ti azo so azia lege ti taa-tënë.

Tite 3:9

Me mo kpe lege ti gingo nda ti asenge senge tënë: tënë ti nda ti mara ti azo, apapa na *abingbingo tënë na ndö ti atënë ti *Ndia. Aye so kue ayeke senge senge, zo alingbi ti wara ye daa pepe.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

2 Pierre 2:2

Fade azo mingi ayeke mu peko ti awafango-ye ti mvene so ti sara aye ti potopoto so ala yeke sara. Ndali ti azo tongaso, azo ayeke zonga lege ti taa-tënë.

Aye so Nzapa afa 13:14

Lo handa azo ti ndö ti sese na lege ti aye ti kpene so lo sara na dawa ti nyama ti kota ngu-ingo; lo sara ni na ngangu so a mu na lo. Lo tene na azo ti leke mbeni limo ndali ti nyama ti kota ngu-ingo so awara ka ti yongoro zeme si lo ngba na fini so.

Aye so Nzapa afa 13:3

Mbeni li ti nyama ni oko awara kota ka; ka ni akpa fade titene lo kui na ni, me ka ni amu. Azo ti sese kue agonda ye ni si ala mu peko ti nyama ni.