2 Timothée 2:15 - Mbeti ti Nzapa - Tënë so amu fini

¹⁵ Mo gi lege ngangu ti duti zo so Nzapa alingbi ti gonda lo, zo so asara kua ti lo nzoni si kamene asara lo na pekoni pepe, zo so ayeke fa taa-tënë na azo na legeni.

2 Timothée 2:15 ပူးပေါင်းရင်းမြစ်များ

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Marc 4:33

Jésus afa tënë mingi na azo na lege ti mara ti atoli tongaso. Lo fa na ala gi ye so ala lingbi ti ma ya ni.

Nzoni Tënë so Luc asu na mbeti 12:42

Kota Gbia atene na lo: “Ndombe so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti azo ti kua ti lo titene lo mu na ala kobe tongana ngbonga ni alingbi.

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Rome 14:18

Zo so ayeke sara kua na Christ tongaso, lo yeke nzoni na le ti Nzapa si azo ayeda na tënë ti lo.

Rome 16:10

Ala bara na mbi Apeles so afa biani so lo yeke taa zo ti Christ. Ala bara na mbi azo ti da ti Aristobule.

Rome 6:13

Ala mu mbage ti tere ti ala oko pepe ti sara na siokpari si aga ye ti sarango na ye ti kirikiri. Me ala mu tere ti ala kue na Nzapa tongana azo so azingo na kuâ awe si ayeke na fini; ala mu tere ti ala kue ti sara na kua ti lo si tere ti ala ni aga ye ti sarango na ye ti mbirimbiri.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

2 Korente 3:6

Lo laa lo sara si e ga azo so alingbi ti sara kua ti fini *mbuki so alondo na ndia so a su ni sungo pepe, me so alondo na Yingo-Vuru. Ndia so a su ni sungo ayeke gue na zo na kuâ, me Yingo ayeke mu fini na zo.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

2 Korente 5:9

Me taa ye so e ye ayeke titene dutingo ti e azia ngia na be ti lo, ataa e ngba na ya ti tere so wala e sigigi na ya ni.

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Efeze 1:13

Na lege ti gango so ala ga oko na Christ, ala nga, ala ma taa-tënë so ayeke Nzoni Tënë si ayeke soo ala na kuâ; ala ma na be si Nzapa asara nzoroko na tere ti ala, nzoroko ni ayeke Yingo-Vuru so lo mu ando zendo ni.

1 Tesalonike 2:4

Me e yeke fa tënë ni tongana ti so be ti Nzapa aye, ngbanga ti so lo tara e awe si lo mu na e kua ti fango Nzoni Tënë. E yeke gi lege ti zia ngia na be ti azo pepe, me ti zia ngia na be ti Nzapa, lo so lo yeke tara be ti e.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

Ahebro 4:11

Ndani laa, ayeke nzoni e sara ngangu ti li na ndo ti wungo tere so, tongaso si fade mbeni zo oko na popo ti e ati pepe na mungo tapande ti azo so asara ngangu li.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

2 Pierre 1:10

Ndani laa, a-ita, ayeke nzoni ala kiri asara ngangu ahon ti kozoni ti ngba na lege ti iringo so Nzapa airi ala, nga na lege ti sorongo so lo soro ala. Tongana ala sara tongaso, mbeni ye ti sara si ala ti ande ayeke daa oko pepe.

2 Pierre 1:15

Me mbi yeke sara kue titene na peko ti mbi, ala wara lege ti dabe ti ala lakue na aye so mbi fa na ala.

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.