2 Timothée 2:12 - Mbeti ti Nzapa - Tënë so amu fini

¹² tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;

2 Timothée 2:12 ပူးပေါင်းရင်းမြစ်များ

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Matthieu 10:33

Me zo so abere tënë ti mbi na le ti azo, fade mbi nga, mbi yeke bere tënë ti lo na le ti Babâ ti mbi so ayeke na yayu.”

Matthieu 26:35

Pierre atene na lo: “Tongana ayeke titene mbi na mo, e kui, mbi yeke bere tënë ti mo oko pepe!” Adisiple ni kue atene gi oko tënë so.

Matthieu 26:75

Pierre adabe ti lo na tënë so Jésus atene lani na lo, atene: “Kozo titene koli-kondo atoto, fade mo yeke bere tënë ti mbi fani ota.” Lo sigigi si lo toto ngangu mingi.

Marc 10:33

Lo tene na ala: “Ala ma! E yeke gue na Jérusalem. Kâ, fade azo ayeke zia *Molenge ti Zo na maboko ti akota wayango-sandaga na awafango-ndia. Ala yeke fâ ngbanga ti kuâ na li ti lo si ala yeke zia lo na maboko ti azo ti mbeni mara nde.

Marc 8:38

Biani, azo ti fadeso ake ti ma yanga ti Nzapa, ala yeke sara gi sioni. Tongana mbeni zo asara kamene ti mbi na ti atënë ti mbi na le ti azo ti fadeso, fade Molenge ti Zo ayeke sara kamene ti zo ni na lango so lo yeke ga na ya ti gonda ti Babâ ti lo, na *a-ange ti lo so ayeke nde si ayeke nzoni kue.”

Nzoni Tënë so Luc asu na mbeti 12:9

Me zo so abere tënë ti mbi na le ti azo, fade mbi nga, mbi yeke bere tënë ti lo na le ti a-ange ti Nzapa.

Nzoni Tënë so Luc asu na mbeti 22:29

Tongana ti so Babâ amu na mbi *Kodro-gbia, mbi nga, mbi yeke mu kodro-gbia na ala:

Nzoni Tënë so Luc asu na mbeti 22:30

fade mbi na ala, e yeke te si e yeke nyon na ya ti Kodro-gbia ti mbi si ala yeke duti na ndö ti ambata ti gbia ti fâ ngbanga ti amara baleoko na use ti Israel.”

Nzoni Tënë so Luc asu na mbeti 9:26

Tongana mbeni zo asara kamene ti mbi na ti atënë ti mbi, fade Molenge ti Zo ayeke sara nga kamene ti lo na lango so lo yeke ga na ya ti gonda ti lo, gonda ti Babâ ti lo nga na ti *a-ange so ayeke nde si ayeke nzoni kue.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Rome 5:17

Biani, na lege ti zo oko, na lege ti siokpari ti zo oko, kuâ ayeke na ngangu na ndö ti azo kue; me na lege ti zo oko so ayeke Jésus Christ, azo awara aye ahon ndoni, ngbanga ti nzoni be so Nzapa asara si ala ga mbirimbiri. Na lege ti Christ, fade ala yeke duti na fini si ala yeke le-gbia legeoko na lo.

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

Filipe 1:28

Ala mu lege na awato ti ala ti zia mbeto na be ti ala oko pepe. So laa ayeke fa atene, lege ti awato ti ala ni ayeke gue na ala na kuâ; me ti ala, azo ti Filipe, ye ni ayeke ga ande ye ti songo ala na kuâ, ngbanga ti so Nzapa laa asara titene ala soo kuâ.

1 Timothée 5:8

Tongana mbeni zo abata azo ti lo na legeni pepe si lo hinga ti bata taa azo ti sewa ti lo na legeni pepe, lo zia lege ti mabe awe. Sioni ti lo ahon sioni ti azo so ake ti ma na be.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Aye so Nzapa afa 1:9

Mbi Jean, ita ti ala, mbi na ala kue, e yeke na ya ti ye ti ngangu. Na lege ti gango so e ga oko na Jésus, e yeke kanga be ti e na ya ti ye ti ngangu ni si mbi na ala, e yeke azo ti *Kodro-gbia ti Nzapa. A bi mbi na ya ti zoa ti Patmos ndali ti tënë ti Nzapa so mbi fa nga ndali ti taa-tënë so Jésus afa.

Aye so Nzapa afa 2:13

Mbi hinga ndo so mo yeke duti daa: ayeke ndo so Satan azia mbata ti lo ti gbia daa, me mo ngba na tere ti mbi; be ti mo so mo zia na ndö ti mbi, mo zia lege ni pepe, ataa na ndembe so a fâ Antipas, lo so lo fa tënë na ndö ti mbi na legeni, na ndo so Satan azia mbata ti lo ti gbia daa.

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.

Aye so Nzapa afa 20:6

Ti ala nzoni, ala so ayeke na popo ti akozo kuâ so azingo! Ala yeke ti ala biani azo ti Nzapa, kuâ ti use ni ayeke na ngangu na ndö ti ala pepe. Ala yeke ga awayango-sandaga ti Nzapa na ti Christ si ala na lo ayeke le-gbia na ya ti ngu saki oko.

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

Aye so Nzapa afa 3:8

Lo tene: Mbi hinga aye so mo yeke sara. Mbi zi mbeni yanga ti da na dawa ti mo so mbeni zo alingbi ti kanga ni pepe. Mo yeke na ngangu mingi pepe, me mo sara ye alingbi na tënë ti mbi si mo bere tënë ti mbi pepe.

Aye so Nzapa afa 5:10

Mo sara si ala ga azo ti Kodro-gbia ti Nzapa, awayango-sandaga ti sara kua na Nzapa ti e; fade ala yeke le-gbia na ndö ti sese.”