2 Timothée 2:10 - Mbeti ti Nzapa - Tënë so amu fini

¹⁰ Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

2 Timothée 2:10 ပူးပေါင်းရင်းမြစ်များ

Amato 8:35

Biani, zo so awara mbi, awara fini awe; be ti KOTA GBIA ayeke nzere na lo.

Matthieu 24:22

Tongana Nzapa azi fade ambeni lango ti pasi ni pepe, ka zo oko ti soo kuâ ayeke daa pepe. Me lo zi ambeni lango ni ndali ti azo so lo soro ala.

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

Nzoni Tënë so Luc asu na mbeti 22:57

Me Pierre abere, atene: “Wali, mbi hinga lo pepe.”

Jean 11:52

Lo yeke kui gi ngbanga ti mara so oko pepe, me lo yeke kui nga ti bongbi amolenge ti Nzapa so ayeke na ando nde nde si ala ga tere oko.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Jean 17:9

“Mbi sambela ndali ti ala. Mbi sambela ndali ti azo ti dunia so pepe, me ndali ti ala so mo mu ala na mbi. Biani, ala yeke ti mo.

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Rome 9:23

tongaso si lo fa kota gonda ti lo na azo so lo baa mawa ti ala; azo ni ayeke azo so lo leke ala kozoni ndali ti gonda ni.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 9:22

Tongana mbi yeke na popo ti azo so mabe ti ala akpengba pepe, mbi yeke sara ye tongana zo so mabe ti lo akpengba pepe. Mbi sara tongaso ti wara azo so mabe ti ala akpengba pepe. Tongana mbi yeke na popo ti azo kue, mbi yeke sara ye tongana azo kue titene mbi sara kue ti soo ambeni na popo ti ala.

2 Korente 1:6

Tongana e yeke baa pasi, so ayeke sara si be ti ala ade si ala soo kuâ. Tongana be ti e ade, so ayeke sara si be ti ala ade si ala kanga be ti ala na ya ti amara ti pasi so e nga, e yeke baa so.

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 4:15

Aye so kue ayeke si na e ndali ti ala titene azo so Nzapa asara nzoni be na ala, wungo ti ala ayeke gue gi na nduzu, tongaso si gba ti azo amu singila na lo si ala gonda lo.

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

Efeze 3:13

Tongaso, mbi hunda na ala: be ti ala awoko pepe ndali ti apasi so mbi yeke baa ndali ti ala; apasi ni ayeke ndali ti nzoni ti ala.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

1 Tesalonike 5:9

Nzapa asoro e titene ngonzo ti lo ati na ndö ti e pepe, me lo soro e titene e soo kuâ na lege ti Kota Gbia ti e Jésus Christ

2 Tesalonike 2:14

Ye so lo iri ala ndali ni laa; lo iri ala na lege ti Nzoni Tënë so e fa ni na ala titene ala wara gonda ti Kota Gbia ti e Jésus Christ.

2 Timothée 1:1

Mbi Paul, so Nzapa ayeda ti mu mbi tongana *watokua ti Jésus Christ titene mbi fa tënë ti fini so Nzapa amu zendo ni na e si e wara ni na lege so e ga oko na Jésus Christ.

2 Timothée 2:1

Ti mo, molenge ti mbi, mo kpengba na ya ti nzoni be so Nzapa asara na e na lege so e ga oko na Jésus Christ.

2 Timothée 2:3

Mo nga, mo yeda ti baa pasi tongana kpengba turugu ti Jésus Christ.

Tite 1:1

Mbi Paul, mbi yeke zo ti kua ti Nzapa si mbi yeke nga *watokua ti Jésus Christ. Nzapa atokua mbi ti sara si azo so lo soro ala ama na be si ala hinga taa-tënë so alingbi gi na lege ti vorongo Nzapa,

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.