2 Timothée 1:9 - Mbeti ti Nzapa - Tënë so amu fini

⁹ Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.

2 Timothée 1:9 ပူးပေါင်းရင်းမြစ်များ

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Jean 17:9

“Mbi sambela ndali ti ala. Mbi sambela ndali ti azo ti dunia so pepe, me ndali ti ala so mo mu ala na mbi. Biani, ala yeke ti mo.

Jean 6:37

Azo so kue Babâ amu ala na mbi, fade ala yeke ga na mbi; zo so aga na mbi, fade mbi yeke zia lo na gigi oko pepe.

Awatokua 15:18

lo fa tënë ni ando na azo kozoni awe.’

Awatokua 2:47

Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.

Rome 11:14

ti sara si, tongana lege ayeke daa, azo ti mara ti mbi asara kota be si mbi soo ambeni na popo ti ala.

Rome 11:29

Biani, tongana Nzapa amu ye na zo awe, lo yeke kiri ti zi ni na maboko ti lo pepe; tongana Nzapa airi mbeni zo awe, lo yeke kiri ti ke lo pepe.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 9:11

Andaa ye so Nzapa aleke na be ti lo ayeke ti soro zo: lo yeke soro zo ndali ti sarango ye ti lo pepe, me tongana ti so be ti lo aye; lo laa lo yeke iri zo. Titene Nzapa abata tënë ti yanga ti lo, lo tene na Rébecca: “Fade kozo molenge ti mo ayeke sara kua na gbe ti ngambe ni.” Nzapa atene tënë ni kozo titene Rébecca adu amolenge ni, andaa ala de ti sara nzoni wala sioni pepe.

Rome 9:24

Azo ni ayeke e so lo iri e; ambeni, lo iri ala na popo ti azuife, gi ala oko pepe, me lo iri nga ambeni na popo ti azo ti amara nde.

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Efeze 2:5

Ataa so na le ti Nzapa e yeke ando azo so akui awe ngbanga ti sioni ti e, lo kiri lo mu na e fini legeoko na Christ. Ndali ti nzoni be ti Nzapa si ala soo kuâ.

Efeze 3:11

Nzapa asara ye ni alingbi gi na ye so lo leke ando na be ti lo si ayeke lakue lakue; lo sara ni awe na lege ti *Kota Gbia ti e Jésus Christ.

Filipe 3:14

Mbi yeke kpe loro ngangu ti si na nda ti lege ni, ti wara nzoni ye so Nzapa airi e ti wara ni na yayu, na lege ti gango so e ga oko na Jésus Christ.

1 Tesalonike 4:7

Biani, Nzapa airi e ti duti na ya ti ye ti potopoto pepe, me lo iri e ti ga azo so ayeke nde si ayeke nzoni kue.

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

2 Timothée 1:1

Mbi Paul, so Nzapa ayeda ti mu mbi tongana *watokua ti Jésus Christ titene mbi fa tënë ti fini so Nzapa amu zendo ni na e si e wara ni na lege so e ga oko na Jésus Christ.

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

1 Pierre 1:20

Nzapa asoro Christ kozoni si dunia abaa gigi. Na ngoi ti ndani, lo fa Christ na le ti azo kue ndali ti nzoni ti ala, a-ita.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 17:8

Nyama so mo baa lo so ayeke ando na fini, me lo yeke na fini mbeni pepe. Lo yeke londo ande na ya ti *kota du so alinda mingi si lo yeke sigigi titene a buba lo biani biani. Fade li ti azo ti sese ayeke kpe na bango nyama ni, so ti tene azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa. Biani, nyama ni ayeke ando na fini, me fadeso lo yeke na fini mbeni pepe; fade lo yeke kiri ti ga.