2 Timothée 1:5 - Mbeti ti Nzapa - Tënë so amu fini

⁵ Mbi dabe ti mbi na taa mabe so mo yeke na ni. Gi mabe so Lois, ata ti mo ti wali, lo na Enis, mama ti mo ayeke na ni kozoni laa. Mbi hinga so gi mabe ni so laa mo yeke na ni.

2 Timothée 1:5 ပူးပေါင်းရင်းမြစ်များ

Abia (Psaumes) 116:16

KOTA GBIA, mbi yeke zo ti kua ti mo, mbi yeke zo ti kua ti mo; mama ti mbi ayeke ando zo ti kua ti mo. Mo laa mo fâ ya ti akamba so akanga mbi.

Abia (Psaumes) 17:1

Sambela ti David. *KOTA GBIA, ma tënë ti mbi, tënë ni ayeke na legeni; dingi mê ti mo, mo ma toto ti mbi na sambela ti mbi: tënë ti handango zo ayeke na yanga ti mbi pepe.

Abia (Psaumes) 18:44

Azo ti kodro atomboka na tere ti mbi, me mo yeke zi mbi na maboko ti ala; mo zia mbi na ndö ti amara. Azo ti mara so mbi hinga ala pepe aga azo ti kua na gbe ti mbi.

Abia (Psaumes) 22:10

KOTA GBIA, mo sara si mbi sigigi na ya ti mama ti mbi; mo sara si mbi duti na siriri na ndö ti kate ti lo.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Abia (Psaumes) 77:6

Mbi gbu li ti mbi na ndö ti alango ti giriri, mbi gbu li ti mbi na ndö ti angu so ahon ando.

Abia (Psaumes) 81:15

ka mbi kinda gi hio tongaso awato ti ala, ka mbi pika azo ti sarango ngangu na ala so awe!

Abia (Psaumes) 86:16

Baa ndo na mbage ti mbi, baa mawa ti mbi! Mu ngangu na mbi, zo ti kua ti mo, soo mbi molenge ti zo ti kua ti mo ti wali.

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jean 1:47

Jésus abaa Natanael so ayeke ga na mbage ti lo si lo tene: “Baa, so mbirimbiri zo ti Israel laa. Lo hinga ti tene mvene pepe.”

Awatokua 16:1

Paul asi na gbata ti Derbe nga na Listre. Mbeni disiple so iri ti lo Timothée ayeke kâ; mama ti lo ayeke mbeni zuife so ama na be, me babâ ti lo ayeke greke.

Awatokua 26:26

Gbia Agripa ahinga tënë na ndö ti aye so kue. Ndani laa mbi lingbi ti tene tënë ni na lo na mbeto pepe, ngbanga ti so ye ni asi lani na hondengo ni pepe.

Rome 14:14

Ti mbi, na lege ti gango so mbi ga oko na *Kota Gbia Jésus, mbi hinga biani so mbeni ye oko so ayeke *sioni ayeke daa pepe. Me tongana mbeni zo abaa mbeni ye tongana *sioni, ye ni ayeke *sioni gi na le ti zo ni.

Rome 14:5

Mbeni zo abaa mbeni lango tongana kota lango ahon atanga ni; mbeni zo abaa ti lo alango ni kue gi legeoko. Alingbi zo oko oko ahinga biani so tënë ti be ti lo ayeke na legeni.

Rome 15:14

A-ita ti mbi, mbi wani, mbi hinga biani na be ti mbi so nzara ti sarango nzoni ye asi singo na be ti ala; mbi hinga so, ala hinga ndo nzoni mingi si ala lingbi nga ti mu wango na popo ti tere.

Rome 4:21

Lo hinga biani na be ti lo so Nzapa ayeke na ngangu ti sara ye alingbi na zendo ti lo.

Rome 8:38

Biani, mbi hinga so mbeni ye ti kangbi e na ndoye ti Christ ayeke daa pepe: ataa kuâ, ataa fini, ataa *a-ange, ataa angangu yingo so ayeke sara komandema, ataa aye ti fadeso, ataa aye ti kekereke,

2 Korente 6:6

E fa nga so e yeke azo ti kua ti Nzapa na lege ti dutingo ti e na vuru be, na lege ti hingango ndo ti e, na lege ti kangango be ti e, na lege ti nzoni be ti e, na lege ti Yingo-Vuru, na lege ti taa yengo tere na popo ti e,

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 6:9

Ti ala, a-ita so e ye ala mingi, ataa so e tene tënë tongaso, e hinga na be ti e so, ala yeke tambula na nzoni lege so zo ayeke mu titene lo soo kuâ.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.