2 Timothée 1:14 - Mbeti ti Nzapa - Tënë so amu fini

¹⁴ Nzoni ye so Nzapa azia na maboko ti mo, mo bata ni nzoni na lege ti Yingo-Vuru so ayeke na ya ti e.

2 Timothée 1:14 ပူးပေါင်းရင်းမြစ်များ

Nzoni Tënë so Luc asu na mbeti 16:11

Tongana ala hinga ti sara ye na legeni pepe na nginza so ala wara na lege ti ye ti kirikiri, zo wa laa ayeke mu na ala taa ye ti nzoni titene ala bata ni?

Jean 14:17

lo yeke Yingo ti taa-tënë. Azo ti dunia so alingbi ti yamba lo pepe, ngbanga ti so ala baa lo pepe si ala hinga nga lo pepe. Me ti ala, ala hinga lo awe, ngbanga ti so lo yeke na ya ti ala si lo yeke na tere ti ala.

Rome 3:2

Biani, ye ti nzoni ni ayeke kota na ya ti aye mingi. Kozo ye ni ayeke so Nzapa azia atënë ti lo na maboko ti azuife.

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

Rome 8:13

Tongana ala yeke duti na fini na lege ti asioni nzara ti be ti ala, fade ala yeke kui; me na lege ti Yingo, tongana ala zi na ya ti fini ti ala asioni sarango ye ti ala ti zo, fade ala yeke duti na fini.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

1 Korente 3:16

Ala hinga pepe atene, ala yeke da ti Nzapa si Yingo ti Nzapa aduti na be ti ala?

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

1 Korente 9:17

Tongana mbi wani laa mbi soro fade ti sara kua ni so, ka alingbi ti futa mbi. Me a hunda na mbi na ngangu ti sara kua ni, ngbanga ti so Nzapa laa azia ni na maboko ti mbi.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Galasii 2:7

Me ala hinga atene, Nzapa amu na mbi Nzoni Tënë ti fa na azo ti amara nde, tongana ti so lo mu ni na Pierre ti fa na azuife so.

Efeze 2:22

Na lege ti gango so ala ga oko na lo, a mu ala na atanga ni kue ti sara na da so Yingo ti Nzapa wani ayeke duti daa.

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

Kolose 4:11

Jésus, so mbeni iri ti lo ayeke Yustus, lo nga, lo bara ala. Gi azuife ota so e na ala e sara kua ndali ti *Kodro-gbia ti Nzapa so laa. A-ita so amu ngangu na be ti mbi mingi.

1 Tesalonike 5:19

Ala kanga lege na Yingo-Vuru pepe ti sara kua ti lo,

1 Timothée 1:11

Tënë so alingbi na Nzoni Tënë so Nzapa azia na maboko ti mbi; tënë ni ayeke tënë ti Nzapa, lo so alingbi na gonda si azo ayeke tene nzoni tënë ti lo.

1 Timothée 6:20

Timothée, mo bata ye so Nzapa azia na maboko ti mo so nzoni. Mo kpe lege ti asenge senge tënë so asongo na mabe pepe, mo kpe nga lege ti atënë ti mvene ti azo so abaa ti ala atene, ala hinga aye ti nda ti gigi so.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.