2 Timothée 1:12 - Mbeti ti Nzapa - Tënë so amu fini

¹² Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 1:12 ပူးပေါင်းရင်းမြစ်များ

Abia (Psaumes) 25:2

Nzapa ti mbi, mbi zia be ti mbi na ndö ti mo; mo zia kamene na le ti mbi pepe. Mo zia awato ti mbi adekongo na ngia ndali ti mbi pepe!

Abia (Psaumes) 31:5

Fade mo yeke sara si mbi sigigi na ya ti gbanda so azo aleke ti gbu na mbi. Biani, mo laa mo yeke ngangu gbagba ti mbi.

Abia (Psaumes) 56:9

So mbi kpe fani mingi ti hon so, mo diko wungo ni kue awe; mo bongbi ngu ti le ti mbi na ya ti ngbenda ti mo. A su aye so kue na ya ti mbeti ti mo pepe?

Abia (Psaumes) 9:10

KOTA GBIA ayeke tongana ngangu gbagba so ayeke bata azo so a sara ngangu na ala; lo yeke tongana ngangu gbagba so ayeke bata azo na ngoi ti aye ti ngangu.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 50:7

Kota Gbia NZAPA laa ayeke mu na mbi maboko, ndani laa zongango ndo ti ala asara ye oko na mbi pepe. Mbi sara si ndö ti le ti mbi akpengba tongana têne. Mbi hinga, mbi tene, fade kamene ayeke sara mbi pepe.

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Nahum 1:7

KOTA GBIA ayeke nzoni; na ngoi ti ye ti ngangu, lo yeke ndo so zo akpe daa ti bata tere ti lo. Lo yeke bata azo so azia be ti ala na ndö ti lo

Matthieu 12:21

Fade amara nde ayeke zia be ti ala ti ku lo.”

Matthieu 24:36

“Ti lango ti singo ti aye ni wala ngbonga ni, zo oko ahinga ni pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Matthieu 7:22

Na lango ti fango ngbanga, fade azo mingi ayeke tene na mbi: ‘Kota Gbia, Kota Gbia, e tene peko ti tënë ti yanga ti mo, e tumba asioni yingo si e sara aye ti kpene mingi na iri ti mo pepe?’

Nzoni Tënë so Luc asu na mbeti 10:12

Mbi tene na ala: na lango ti fango ngbanga, fade ngbanga so a yeke fâ na ndö ti gbata ni ayeke duti ngangu ahon ti Sodome.”

Nzoni Tënë so Luc asu na mbeti 23:46

Jésus adekongo ngangu, atene: “Babâ, mbi zia yingo ti mbi na maboko ti mo.” Na peko ti tënë so, Jésus akui.

Jean 17:15

Mbi hunda na mo pepe ti zi ala na dunia so, me ti bata ala si Sioni wato asara sioni na ala pepe.

Jean 6:44

Tongana Babâ so atokua mbi airi mbeni zo pepe, zo ni alingbi ti ga na mbi pepe. Tongana zo ni aga na mbi, fade mbi yeke zingo lo na kuâ na lango ti ndani.

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Awatokua 13:50

Me azuife apusu awali so ayeke na kota ndo si ala yeke voro Nzapa, ala na akota zo ti gbata ni titene ala sara ngangu na Paul na Barnabas si atumba ala na sese ti ala.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Awatokua 7:59

So ala yeke bo Étienne na têne, lo sambela, lo tene: “*Kota Gbia Jésus, mu yingo ti mbi!”

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 9:33

tongana ti so Mbeti ti Nzapa atene: “Baa, mbi zia na ya ti gbata ti *Sion mbeni têne so asara si zo aye ti ti; kota têne so ayeke kinda zo. Me zo so ama na be na lo, fade kamene ayeke sara lo pepe.”

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.

1 Korente 3:13

Fade a yeke fa kua ti zo oko oko na le ti azo kue na lango ti fango ngbanga. Na lango ni so, fade wâ ayeke tara kua ti zo oko oko ti fa wala kua ni ayeke nzoni wala sioni.

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

Filipe 3:10

Ye so mbi ye, ayeke ti hinga Christ, lo na ngangu so azingo lo na kuâ, ti baa pasi legeoko na lo si mbi ga tongana lo na ndembe ti kuâ ti lo.

Filipe 3:21

Lo laa lo yeke mu tere ti e so ayeke tere ti pasi ti sara ni alingbi na tere ti lo ti gonda. Lo yeke sara tongaso na lege ti ngangu so lo yeke na ni ti sara si aye kue aduti na gbe ti komandema ti lo.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

1 Tesalonike 5:4

Me ti ala, a-ita, ala yeke na ya ti vukongo ndo pepe titene lango ni so awara ala tongana zo ti nzi.

1 Timothée 6:20

Timothée, mo bata ye so Nzapa azia na maboko ti mo so nzoni. Mo kpe lege ti asenge senge tënë so asongo na mabe pepe, mo kpe nga lege ti atënë ti mvene ti azo so abaa ti ala atene, ala hinga aye ti nda ti gigi so.

2 Timothée 1:14

Nzoni ye so Nzapa azia na maboko ti mo, mo bata ni nzoni na lege ti Yingo-Vuru so ayeke na ya ti e.

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

2 Timothée 1:8

Tongaso, ye so mo hinga na ndö ti *Kota Gbia ti e, ayeke nzoni mo sara kamene ti fa peko ni na azo pepe; mo sara nga kamene ti mbi pepe, mbi so mbi yeke na da ti kanga ndali ti lo so. Me mo baa pasi ndali ti Nzoni Tënë tongana ti so mbi yeke baa pasi so, mo zia be ti mo na ndö ti ngangu ti Nzapa.

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Ahebro 2:18

Biani, lo lingbi ti mu maboko na azo so aye ti tarango be asi na ala, ngbanga ti so lo nga, lo baa pasi si aye ti tarango be asi ando na lo.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.

1 Pierre 4:16

Me tongana zo ni abaa pasi ndali ti so lo yeke zo ti Christ, alingbi kamene asara lo pepe; me alingbi lo mu singila na Nzapa ndali ti iri ti Christ so ayeke na ndö ti lo.

1 Pierre 4:19

Tongaso, azo so ayeke baa pasi tongana ti so Nzapa aye, alingbi ala ngba lakue ti sara nzoni ye, ala mu tere ti ala kue na Nzapa, lo so lo sara ye kue si lo yeke sara ye alingbi na peko ti tënë ti yanga ti lo.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.