2 Timothée 1:10 - Mbeti ti Nzapa - Tënë so amu fini

¹⁰ Nzapa afa nzoni be ti lo ni fadeso na lege ti gango ti Jésus Christ, Wasongo e. Lo hon ndö ti kuâ na ngangu awe si na lege ti Nzoni Tënë, lo fa polele na azo fini so angba lakue lakue.

2 Timothée 1:10 ပူးပေါင်းရင်းမြစ်များ

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Ésaïe 45:15

Nzapa ti Israel, mo laa mo yeke soo zo; mo yeke taa Nzapa so mo yeke na hondengo ni.

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Nzoni Tënë so Luc asu na mbeti 11:36

Tongana tere ti mo kue ayeke na ya ti vurungo ndo si mbeni vukongo ndo oko ayeke daa pepe, fade tere ti mo ni kue ayeke na ya ti vurungo ndo, tongana ti so wâ ti lamba ayeke za na tere ti mo.”

Nzoni Tënë so Luc asu na mbeti 13:7

Lo tene na zo ti kua ti yaka ni, lo tene: ‘Asara fadeso ngu ota so mbi yeke ga ti gi ale ti keke so, me mbi wara ye oko daa pepe. Mo de ni! Ndani nyen laa keke ni angba ti buba sese senge senge so?’

Nzoni Tënë so Luc asu na mbeti 2:11

Laso, na ya ti gbata ti David, a du na ala Wasongo-zo awe; lo yeke Christ, Kota Gbia.

Jean 1:9

Tënë ni ayeke taa lumiere so aga na ndö ti dunia so; lo za si zo oko oko abaa ndo polele.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 4:42

Azo ni atene na wali ni: “Gi ndali ti tënë so mo tene laa e ma na be pepe, me e wani, e ma lo. E hinga biani so lo yeke taa Wasongo azo ti dunia so.”

Jean 5:40

Me ala azo, ala ye ti ga na mbi pepe ti wara taa fini.

Awatokua 13:23

Na lege ti mbeni *hale ti David laa Nzapa asara si Jésus aga Wasongo azo ti Israel alingbi na zendo ti lo.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 16:26

Fadeso, a fa tënë ni polele na ya ti ambeti ti awayanga-Nzapa. Nzapa so ayeke kpu na kpu, lo mu yanga si a fa tënë so na azo ti amara kue titene ala ma na be si ala ma yanga ti lo.

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Rome 3:31

Tongaso, na lege ti mabe, e yeke baa Ndia tongana senge ye? Oko pepe! Me e mu nengo na Ndia.

Rome 6:6

E hinga so dutingo ti e ti kozo akui legeoko na Christ na ndö ti keke ti kroa awe. Tongaso sioni nzara ti be ti e akui nga si e kiri e duti na gbe ti ngbaa ti siokpari pepe.

1 Korente 15:26

Ndangba wato so lo yeke nika lo ayeke kuâ.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Korente 5:4

Biani, na ngoi so kue e yeke na ya ti da ti bongo so, so ti tene na ya ti tere ti e ti zo, e yeke dema na gbe ti mbeni nengo kungba. E ye ti zia tere ti e ti zo so pepe, me e ye titene a yu bongo ti yayu na ndö ti tere ni so, tongaso si fini amene ye so ayeke kui so.

Galasii 5:4

Ala azo so kue ayeke gi ti ga mbirimbiri na le ti Nzapa na lege ti Ndia, ala kangbi na Christ awe; lege ti nzoni be ti Nzapa akanga na ala awe.

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

2 Timothée 1:1

Mbi Paul, so Nzapa ayeda ti mu mbi tongana *watokua ti Jésus Christ titene mbi fa tënë ti fini so Nzapa amu zendo ni na e si e wara ni na lege so e ga oko na Jésus Christ.

2 Timothée 1:8

Tongaso, ye so mo hinga na ndö ti *Kota Gbia ti e, ayeke nzoni mo sara kamene ti fa peko ni na azo pepe; mo sara nga kamene ti mbi pepe, mbi so mbi yeke na da ti kanga ndali ti lo so. Me mo baa pasi ndali ti Nzoni Tënë tongana ti so mbi yeke baa pasi so, mo zia be ti mo na ndö ti ngangu ti Nzapa.

2 Timothée 4:1

Na le ti Nzapa nga na le ti Jésus Christ so ayeke ga ande ti fâ ngbanga ti azo so ade na fini na azo so akui awe, ndali ti kiringo ti lo ti ga ti duti *Kota Gbia, mbi hunda na mo titene

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Tite 2:11

Biani, Nzapa afa nzoni be ti lo na azo kue awe titene na lege ti nzoni be ti lo ni, ala soo kuâ.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

Tite 3:4

Me na ndembe so Nzapa, Wasongo e, afa nzoni be ti lo na azo si lo fa nga yengo so lo ye azo na ni,

Ahebro 10:32

Ala dabe ti ala na ye so asi ando na ala: gi na peko ti so Nzapa azi le ti ala, ala baa pasi mingi, me ala kanga be ti ala na ya ti bira ti apasi ni.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.

2 Pierre 1:3

Na lege ti ngangu ti lo, Christ amu na e aye so kue alingbi na e titene e duti na fini si e ngba ti gbu tënë ti Nzapa ngangu. Christ afa na e ti hinga Nzapa so airi e ti wara mbage ti gonda ti lo na ti nzoni ye so lo sara.

2 Pierre 2:20

Azo so azi tere ti ala awe na ya ti aye ti potopoto ti dunia na lege so ala hinga Jésus Christ, Kota Gbia ti e na Wasongo e, tongana ala kiri ayoro tere ti ala na ya ti aye ti potopoto ni titene ahon ndö ti ala si akanga ala, fade dutingo ti ala ayeke ga sioni mingi ahon ti kozoni.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

2 Pierre 3:2

Mbi ye si ala dabe ti ala na atënë so ando awayanga-Nzapa so ayeke nde si ayeke nzoni kue, atene na ala. Mbi ye nga si ala dabe ti ala na tënë ti yanga ti *Kota Gbia ti e na Wasongo e, so *awatokua afa ni na ala.

1 Jean 1:2

Biani, fini so asigigi polele si e baa lo; e yeke tene tënë ti ye so e hinga na ndö ti lo, e yeke fa na ala tënë ti fini so angba lakue lakue, fini so ayeke ando na tere ti Babâ si asi na popo ti e.

1 Jean 4:14

E baa na le ti e si e yeke tene na azo tënë so: Babâ atokua Molenge ti lo titene lo ga Wasongo azo ti dunia so.

Aye so Nzapa afa 18:1

Na pekoni, mbi baa mbeni *ange nde so alondo na yayu si ayeke zu. Lo yeke na kota ngangu, tere ti lo aza ahon ndoni si zango ni amu ndö ti sese kue.

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”

Aye so Nzapa afa 20:14

A mu kuâ nga na ndo ti akuâ, a bi ala na le ti kota wâ. Le ti kota wâ ni ayeke kuâ ti use ni.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.