2 Tesalonike 3:4 - Mbeti ti Nzapa - Tënë so amu fini

⁴ Na lege ti gango so e ga oko na Kota Gbia, e zia be ti e na ndö ti ala: ye so e mu yanga na ala ti sarango ni, ala yeke sara ni si ala yeke ngba ande ti sara ni.

2 Tesalonike 3:4 ပူးပေါင်းရင်းမြစ်များ

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Rome 15:14

A-ita ti mbi, mbi wani, mbi hinga biani na be ti mbi so nzara ti sarango nzoni ye asi singo na be ti ala; mbi hinga so, ala hinga ndo nzoni mingi si ala lingbi nga ti mu wango na popo ti tere.

Rome 15:18

Biani, mbi lingbi ti tene mbeni tënë nde pepe, gi tënë ti ye so Christ asara na lege ti mbi ti sara si azo ti amara nde ama yanga ti Nzapa. Lo sara ye ni na lege ti fango tënë nga na lege ti sarango ye ti mbi,

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

1 Korente 14:37

Tongana mbeni zo abaa atene, ni yeke wayanga-Nzapa wala zo so Yingo ti Nzapa ayeke na ya ti lo, alingbi lo hinga lo tene, tënë so mbi yeke su na mbeti ti tokua na ala so, ayeke tënë ti yanga ti *Kota Gbia.

1 Korente 7:19

Fango ganza ayeke ye pepe, fango ganza pepe ayeke nga ye pepe. Kota ye ni ayeke titene zo asara ye alingbi na atënë ti yanga ti Nzapa.

2 Korente 2:3

Nda ti mbeni mbeti so mbi tokua na ala so ayeke so: na singo ti mbi na popo ti ala, mbi ye titene azo so alingbi fade ti zia ngia na be ti mbi, ala ga azo ti zia vundu na be ti mbi pepe. Ti ala, mbi hinga na be ti mbi, mbi tene, ngia so ayeke na be ti mbi so ayeke nga na be ti ala kue.

2 Korente 2:9

Biani, nda ni so mbi tokua lani mbeti na ala ayeke so: mbi ye ti tara be ti ala ti hinga wala ala yeke sara ye so kue mbi hunda na ala.

2 Korente 8:22

Na tere ti azo so, e tokua nga ita ti e so fani mingi na lege ti aye nde nde, e baa nzara ti kua so ayeke na be ti lo. Fadeso, nzara ti kua ni ahon ndö ti lo, ngbanga ti so lo zia be ti lo kue na ndö ti ala.

Galasii 5:10

Ti mbi, mbi zia be ti mbi na ndö ti ala: na lege ti gango so e ga oko na Christ, mbi hinga so ala yeke mu ande mbeni lege nde pepe. Me zo so ayeke buba li ti ala, ataa lo yeke zo wa, fade Nzapa ayeke fâ ngbanga na li ti lo.

Filipe 1:6

Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

Filipe 2:12

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.

1 Tesalonike 4:10

Ye so ala yeke sara laa: ala ye a-ita ti ala, azo ti Christ ti sese ti Masedoane kue; me e yeke hunda na ala mingi, a-ita, titene ala kiri asara ahon so.

2 Tesalonike 3:12

Azo tongaso, e mu yanga na ala si e mu wango na ala na iri ti Kota Gbia Jésus Christ: ala duti kpoo, ala sara kua ti ala si ala te kobe ti peko ti kua ti ala wani.

2 Tesalonike 3:6

A-ita, e hunda na ala na iri ti *Kota Gbia Jésus Christ ti kpe lege ti a-ita so kue ayeke azo ti sopo, so sarango ye ti ala ayeke nde na tënë so e fa na ala kozoni so.

Philémon 1:21

Na ndembe so mbi yeke su mbeti so na mo, mbi hinga, mbi tene, fade mo yeke sara ye so mbi hunda na mo. Biani, mo yeke sara ande ye ni ahon ti so mbi hunda na mo.