2 Tesalonike 3:1 - Mbeti ti Nzapa - Tënë so amu fini

¹ Ti hunzi na ni, a-ita, ala sambela ndali ti e si tënë ti *Kota Gbia angba ti hon na ndo kue si azo agonda tënë ni tongana ti so azo ayeke gonda ni na ndo ti ala, a-ita.

2 Tesalonike 3:1 ပူးပေါင်းရင်းမြစ်များ

1 Tesalonike 5:25

A-ita, ala sambela Nzapa nga ndali ti e.

Kolose 4:3

Ala sambela nga mingi ndali ti e, tongaso si Nzapa azi na e lege ti fa tënë ti lo, ti fa tënë ti Christ so angba na hondengo ni. Biani, ndali ti tënë so laa mbi yeke na da ti kanga.

1 Korente 16:9

ngbanga ti so Nzapa azi na mbi nzoni lege ti sara kota kua kâ, me awato ayeke mingi.

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.

Awatokua 19:20

Nilaa na lege ti ngangu ti Kota Gbia, tënë ti Nzapa asi na ndo kue si ngangu ni ayeke gue guengo na nduzu.

1 Tesalonike 5:17

ala ngba ti sambela lakue,

Awatokua 12:24

Me tënë ti Nzapa angba ti mu ndo kue si angba ti gue na nduzu lakue.

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

1 Tesalonike 2:1

A-ita, ala wani ahinga atene, guengo ti e lani na ndo ti ala ayeke senge pepe.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.

2 Korente 1:11

Ala nga, ala yeke mu maboko na e na lege ti sambela ti ala. Tongaso, fade Nzapa ayeke ma sambela so azo mingi ayeke sambela ndali ti e si lo yeke sara ande nzoni be na e. Ndani laa azo mingi ayeke mu singila na lo ndali ti e.

Rome 15:30

A-ita, na iri ti *Kota Gbia ti e Jésus Christ nga na lege ti ndoye so Yingo ayeke mu na e: mbi hunda na ala mingi ti bongbi oko na mbi ti tiri bira na lege ti sambelango Nzapa ndali ti mbi.

Awatokua 6:7

Tënë ti Nzapa angba ti tambula na ndo kue. Na Jérusalem, wungo ti adisiple ayeke gue na nduzu, gba ti awayango-sandaga ama na be.

Matthieu 9:38

Ayeke nzoni ala hunda na wa ti yaka ni titene lo tokua azo ti kua ti fâ ale ti kobe ti yaka ti lo ni.”

Abia (Psaumes) 138:2

Mbi kuku, mbi kpo li ti mbi na sese na mbage ti kota da ti mo so ayeke nde si ayeke nzoni kue, mbi yeke mu singila na mo ndali ti nzoni be ti mo nga ndali ti tënë ti yanga ti mo so mo yeke bata. Biani, aye so mo mu yanga ti sarango ni, mo yeke sara ni ahon ye so e yeke ku na mbage ti mo.

Nzoni Tënë so Luc asu na mbeti 10:2

Lo tene na ala: “Kobe ti yaka ni ayeke mingi, me azo ti kua ni ayeke mingi pepe. Ayeke nzoni ala hunda na wa ti yaka ni ti tokua azo ti kua ti fâ ale ti kobe ti yaka ti lo.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.