2 Tesalonike 2:4 - Mbeti ti Nzapa - Tënë so amu fini

⁴ Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.

2 Tesalonike 2:4 ပူးပေါင်းရင်းမြစ်များ

Ésaïe 31:3

Azo ti Ezipte ayeke gi asenge zo, ala yeke anzapa pepe; ambarata ti ala ayeke gi anyama, ala yeke yingo pepe. Tongana *KOTA GBIA ayoro maboko ti lo, zo so aye fade ti mu maboko na mba ti lo ayeke pika gere ti lo ti ti, zo so ahunda fade titene mba ti lo amu maboko na lo, lo yeke ti; ala use kue ayeke kui.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 28:6

“Ndani laa, tënë so mbi Kota Gbia NZAPA, mbi tene ayeke so: Ndali ti so mo tene na be ti mo, mo tene, mo lingbi na nzapa,

Ezekiel 28:9

Na dawa ti zo so ayeke fâ ande mo, mo lingbi ti tene: ‘Mbi yeke nzapa’? Andaa na gbe ti maboko ti azo so ayeke fâ mo so, mo yeke gi senge zo, mo yeke nzapa lawa!

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 11:45

Fade lo yeke zia ada ti lo ti bongo ti gbia na popo ti kota ngu-ingo na hoto so ayeke nde si ayeke nzoni kue si ayeke na pendere kodro. Na ndo so laa lango ti lo ayeke hunzi, me zo oko ayeke mu maboko na lo pepe.’ ”

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.

Daniel 7:8

So mbi ngba ti gbu li ti mbi na ndö ti adidi ni, mo ye ti baa, mbeni fini didi so ayeke kete ato nda ti sigigi na popo ti adidi ni. Na dawa ti kete didi ni, a gboto didi ota ti akozo didi ni. Le ti fini didi ni ayeke daa tongana ti zo si yanga ni ayeke daa so ayeke tene gba ti atënë ti baba.

Awatokua 17:23

Biani, so mbi yeke tambula na ya ti gbata ti ala, mbi yeke baa anzapa so ala leke si ala yeke voro ni. Mbi baa nga mbeni gbalaka so a sara mbeti daa, atene: ‘So ayeke ti mbeni nzapa so e hinga lo pepe.’ Nzoni! Ye so ala yeke voro ni si ala hinga pepe so, ni laa mbi ga ti fa ni na ala.

1 Korente 8:5

Taa-tënë, ambeni ye ayeke na yayu wala na sese so azo abaa atene ayeke anzapa – anzapa na akota gbia ayeke mingi.