2 Tesalonike 2:2 - Mbeti ti Nzapa - Tënë so amu fini

² tongana mbeni zo atene, *lango ti Kota Gbia asi awe, li ti ala aga kirikiri hio pepe, ala sara nga mbeto pepe. Ataa azo ni atene, tënë ni alondo na yanga ti Nzapa, wala tënë ni alondo na e, wala e laa e tokua mbeti ni na ala, ala yeda na ni pepe.

2 Tesalonike 2:2 ပူးပေါင်းရင်းမြစ်များ

Ésaïe 26:3

Na zo so be ti lo aduti kpoo, KOTA GBIA, mo yeke mu na lo siriri, ngbanga ti so lo zia be ti lo na ndö ti mo.

Ésaïe 7:2

Azo ague, atene tënë ni na gbia Ahaz, mbeni *hale ti David, lo na azo ti yangbo ti lo, ala tene: “Azo ti sese ti Sirii ali na sese ti Efraim awe.” Be ti Ahaz na ti azo ti kodro ti lo ato nda ti do tongana akeke ti gbako so pupu ayeke yingi ni.

Mishe 2:11

Tongana mbeni zo ti handango ndo aga si lo yeke diko gba ti atënë ti mvene, atene: “Fade ala yeke wara gba ti vin na ngangu samba ti nyon!” Mara ti zo tongaso laa ayeke ga wayanga-Nzapa ti azo ni si zo ni ayeke diko abuba tënë, lo tene:

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Marc 13:7

Ala azo ti mbi, tongana ala yeke ma tënë ti bira so aga nduru wala tënë ti bira so angba yongoro, ala sara mbeto pepe! Alingbi aye so asi, me so laa ayeke hunzingo ti aye kue pepe.

Nzoni Tënë so Luc asu na mbeti 21:19

Ala gbu ngangu si fade ala soo kuâ!”

Nzoni Tënë so Luc asu na mbeti 21:9

Tongana ala ma tënë ti bira na tënë ti wusuwusu, ala sara mbeto pepe! Biani, alingbi aye so asi, me so laa ayeke hunzingo ti aye kue pepe.”

Jean 14:1

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.

1 Korente 14:32

Zo so ayeke tene peko ti tënë ti yanga ti Nzapa, lo yeke na ngangu na ndö ti matabisi so Yingo amu na lo.

1 Korente 7:26

Ti be ti mbi, mbi tene: tongana zo aduti gi lo oko, so ayeke nzoni ndali ti so gigi ni aga ngangu fadeso awe. Taa-tënë, mbi baa ti mbi, mbi tene, ayeke nzoni zo aduti gi lo oko.

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

1 Tesalonike 3:3

Tongaso, pasi so e yeke baa fadeso asara si mbeni zo oko na popo ti ala ati pepe. Ala wani ahinga so, amara ti pasi tongaso ayeke aye so Nzapa aleke ni ndali ti e kozoni.

1 Tesalonike 4:15

Baa, e yeke tene na ala mbeni tënë so *Kota Gbia atene na e: e so e yeke ngba ande na fini ngbii asi na lango ti gango ti Kota Gbia, fade e yeke hon kozo ti azo so akui awe so pepe.

1 Tesalonike 5:2

Ala wani, ala hinga tënë ni nzoni mingi: lango ti gango ti *Kota Gbia ayeke duti tongana gango ti zo ti nzi na bi.

2 Tesalonike 2:15

Tongaso, a-ita, ala gbu ngangu, ala bata tënë so e fa na ala kozoni na yanga ti e wani, wala na ya ti mbeti so e tokua na ala.

2 Tesalonike 3:17

Mbi Paul, mbi wani, mbi su atënë so: mbi bara ala. Lege so mbi yeke su maboko na gbe ti ambeti ni oko oko kue laa; lege ti sungo mbeti ti mbi laa.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.