2 Samuel 9:8 - Mbeti ti Nzapa - Tënë so amu fini

⁸ Mefibaal akuku, akpo li ti lo na sese, lo tene: “Mbi yeke zo wa titene gbia abaa ndo na mbage ti mbi, mbi so mbi kpa kuâ ti mbo so?”

2 Samuel 9:8 ပူးပေါင်းရင်းမြစ်များ

2 Samuel 16:9

Abishai, so iri ti lo ayeke Seruya atene na gbia: “Gbia ti mbi, kuâ ti mbo so ayeke deba mo ngbanga ti nyen? Zia mbi gue, mbi de go ti lo.”

2 Samuel 24:14

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia e ti na maboko ti KOTA GBIA, ngbanga ti so nzoni be ti lo ayeke kota; me mbi ye ti ti na maboko ti azo pepe.”

2 Samuel 3:8

Abner asara ngonzo mingi ndali ti tënë so Ishebaal atene. Nilaa lo kiri tënë, lo tene: “Mbi yeke mbo so ayeke mu gi peko ti azo ti Juda? Mbi sara nzoni be na azo ti da ti babâ ti mo Saul, na a-ita ti lo nga na amba ti lo ngbii asi laso. Mbi sara kue titene mo ti na maboko ti David pepe si laso mo ye ti bi tënë na li ti mbi ndali ti wali so?

2 Agbia 8:13

Hazael atene: “Mbi zo ti kua ti mo, mbi so mbi yeke ti mbi mbo so, fade mbi yeke sara akota ye tongaso tongana nyen?” Élisée akiri tënë: “KOTA GBIA afa na mbi atene, fade mo yeke ga gbia ti sese ti Sirii.”

1 Samuel 26:20

Fadeso mbi ye titene mene ti mbi atuku na sese yongoro na le ti KOTA GBIA pepe. Gbia ti Israel amu azo na tere ti lo ti tumba peko ti buba mandere tongana ti so azo ayeke tumba peko ti dodoro na li ti ahoto so.”