2 Samuel 9:7 - Mbeti ti Nzapa - Tënë so amu fini

⁷ David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

2 Samuel 9:7 ပူးပေါင်းရင်းမြစ်များ

Tongo nda ti aye 43:18

Mbeto asara ala, ngbanga ti so a mu ala, a gue na ala na da ti Joseph. Ala tene na be ti ala: “A mu e, a ga na e ge ndali ti nginza so a zia ni angba na ya ti asake ti e na ndembe so e ga ge kozoni. Nilaa lo yeke gi lege ti gbu e, ti sara sioni na e, ti sara si e ga angbaa si lo mu alele ti e.”

Tongo nda ti aye 43:23

Koli ni atene na ala: “Ala zia be ti ala aduti kpoo, ala sara mbeto pepe. Nzapa ti ala, Nzapa ti babâ ti ala laa azia mbeni mosoro na ya ti asake ti ala so. Mbi wara nginza ti ala ni awe.” Na pekoni, lo mu Siméon, lo sigigi na lo na ala.

2 Samuel 12:8

Mbi zia sewa ti wa ti mo na maboko ti mo. Mbi zia nga awali ti wa ti mo na kate ti mo. Azo ti Israel na azo ti Juda kue ayeke na gbe ti mo; so kue alingbi na mo pepe? Mbi lingbi ti zia mbeni ye daa tongana mo ye.

2 Samuel 19:28

Zo ti kua ti mbi ague, atene mvene na iri ti mbi na mo gbia. Me gbia ti mbi, mo yeke tongana *ange ti Nzapa; mo sara ye so mo baa nzoni na le ti mo.

2 Samuel 19:29

Ti mo, azo kue ti ya ti sewa ti ata ti mbi Saul alingbi fade na kuâ. Me ti mbi, mo zia mbi na popo ti azo so alingbi ti te kobe na ndö ti meza ti mo. Mbeni ye ayeke daa so alingbi ti mu lege na mbi ti kiri ti hunda ye na maboko ti mo?”

2 Samuel 19:33

Barzilai aga mbakoro mingi, lo yeke na ngu balemiombe. So lani gbia ayeke na kodro ti Mahanaim, Barzilai amu na lo aye so kue alingbi na lo, ngbanga ti so Barzilai ayeke na mosoro mingi.

2 Samuel 21:7

Gbia abata Mefibaal, molenge ti Jonatan, ata ti Saul, ngbanga ti so lo na Jonatan asara lani *mbuki na dawa ti KOTA GBIA.

2 Samuel 9:1

Mbeni lâ, David ahunda ndo, atene: “Mbeni zo ti sewa ti Saul angba na fini pepe? Mbi ye ti sara nzoni be na lo ndali ti Jonatan.”

2 Samuel 9:10

Mo, na amolenge ti mo, na azo ti kua ti mo, fade ala yeke fâ yaka ndali ti lo; ala yeke bongbi ale ti kobe ti yaka ni, ala ga na ni, tongaso si tara ti wa ti mo awara kobe ti tengo ni. Me ti Mefibaal, lo yeke te kobe lakue na meza ti mbi.” Siba ayeke na amolenge-koli baleoko na oku, azo ti kua baleuse.

2 Samuel 9:11

Siba atene na gbia: “Aye so kue gbia amu yanga na mbi ti sarango ni, fade mbi zo ti kua ti mo, mbi yeke sara ni. Me ti Mefibaal, lo yeke te ka kobe na meza ti mbi, ngbanga ti so lo yeke ata ti Saul.”

2 Samuel 9:13

Ndali ti so gere ti Mefibaal use kue abuba, lo duti na Jérusalem, tongaso si lo lingbi ti gue lakue ti te kobe na meza ti gbia.

2 Samuel 9:3

Gbia ahunda lo, atene: “Mbeni zo ti sewa ti Saul angba na fini pepe titene mbi sara nzoni be na lo tongana ti so Nzapa ayeke sara ka na azo so?” Siba akiri tënë na gbia: “Mbeni molenge ti Jonatan so gere ti lo use kue abuba ayeke daa.”

1 Agbia 2:7

Mo sara nga nzoni be na amolenge ti Barzilai, zo ti sese ti Galaad. Ala sara lani nzoni be na mbi na lango so mbi kpe na dawa ti ita ti mo Absalom. Ala yeke te kobe lakue na ndö ti meza ti mo.

2 Agbia 25:29

Lo zi bongo ti kanga na tere ti Yoakin si na lango ti fini ti lo kue, lo na gbia ayeke te kobe ndo oko.

Abia (Psaumes) 41:9

Ala yeke tene: “Lo wara sioni kobela awe! So lo lango na gbogbo awe so, lo yeke kiri ti londo pepe!”

Jérémie 52:33

Lo zi bongo ti kanga na tere ti Yoakin si na lango ti fini ti lo kue, lo na gbia ayeke te kobe ndo oko.

Zakarii 7:9

Tënë so KOTA GBIA so ayeke na ndö ti dunia kue atene ayeke so: “Ala fâ ngbanga ti azo na lege ti taa-tënë; ala ye tere na popo ti ala si zo oko oko asara nzoni be na mba ti lo.

Matthieu 6:11

Mu na e laso kobe so alingbi na e.

Nzoni Tënë so Luc asu na mbeti 22:30

fade mbi na ala, e yeke te si e yeke nyon na ya ti Kodro-gbia ti mbi si ala yeke duti na ndö ti ambata ti gbia ti fâ ngbanga ti amara baleoko na use ti Israel.”

Aye so Nzapa afa 3:20

Baa, mbi yeke luti na yanga ti da si mbi yeke pika ni. Zo so ama go ti mbi si lo zi yanga ti da ni, fade mbi yeke li na ya ti da ti lo si mbi na lo, e yeke te kobe.

1 Samuel 12:24

Gi ye oko, ala kpe mbeto ti KOTA GBIA, ala sara kua na lo na lege ti mbirimbiri, na be ti ala kue. Ayeke nzoni ala hinga aye ti kpene so lo sara ndali ti ala.

1 Samuel 20:15

ataa KOTA GBIA azi awato ti mo oko na oko na ndö ti sese so, fade mo yeke ke ti sara nzoni be na azo ti sewa ti mbi pepe.”

1 Samuel 22:23

Ngba na tere ti mbi ge; sara mbeto pepe. Zo so aye ti fâ mo, andaa lo ye nga ti fâ mbi. Na tere ti mbi ge, mbeni ye ti sara mo ayeke daa pepe.”