2 Samuel 9:3 - Mbeti ti Nzapa - Tënë so amu fini

³ Gbia ahunda lo, atene: “Mbeni zo ti sewa ti Saul angba na fini pepe titene mbi sara nzoni be na lo tongana ti so Nzapa ayeke sara ka na azo so?” Siba akiri tënë na gbia: “Mbeni molenge ti Jonatan so gere ti lo use kue abuba ayeke daa.”

2 Samuel 9:3 ပူးပေါင်းရင်းမြစ်များ

2 Samuel 19:26

So lo si na Jérusalem ti wara gbia, gbia ahunda lo, atene: “Mefibaal, mo mu lani peko ti mbi pepe ngbanga ti nyen?”

2 Samuel 19:27

Mefibaal akiri tënë, atene: “Gbia ti mbi, zo ti kua ti mbi laa ahanda mbi. Mbi tene na be ti mbi, mbi tene: ‘So mbi yeke ti mbi zo ti bubango gere so, fade mbi yeke mu yanga titene a leke lele ti mbi, mbi ko na ndö ni si mbi mu peko ti gbia.’

2 Samuel 4:4

Andaa Jonatan, molenge ti Saul ayeke lani na mbeni molenge-koli so gere ti lo use kue abuba. Molenge ni ayeke na ngu oku na ndembe so ambeni zo alondo na Yizreel aga atene tënë ti kuâ ti Saul na ti Jonatan. Wali so ayeke bata molenge ni ayo lo ti kpe na lo. Na ya ti gbugburungo tere, molenge ni ati si gere ti lo abuba. Iri ti molenge ni ayeke Mefibaal.

2 Samuel 9:13

Ndali ti so gere ti Mefibaal use kue abuba, lo duti na Jérusalem, tongaso si lo lingbi ti gue lakue ti te kobe na meza ti gbia.

2 Samuel 9:7

David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

Nzoni Tënë so Luc asu na mbeti 6:36

Ala sara nzoni be mingi na azo tongana ti so Babâ ti ala ayeke sara nzoni be mingi na azo.”

Ndia ti fani use ni 10:15

Me na popo ti amara kue, gi akotara ti ala oko laa be ti KOTA GBIA agbu ala si lo ye ala. Fadeso, ala *ahale ti ala laa lo soro ala na popo ti amara kue, tongana ti so a yeke baa ni laso so.

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.