2 Samuel 9:13 - Mbeti ti Nzapa - Tënë so amu fini

¹³ Ndali ti so gere ti Mefibaal use kue abuba, lo duti na Jérusalem, tongaso si lo lingbi ti gue lakue ti te kobe na meza ti gbia.

2 Samuel 9:13 ပူးပေါင်းရင်းမြစ်များ

2 Samuel 19:27

Mefibaal akiri tënë, atene: “Gbia ti mbi, zo ti kua ti mbi laa ahanda mbi. Mbi tene na be ti mbi, mbi tene: ‘So mbi yeke ti mbi zo ti bubango gere so, fade mbi yeke mu yanga titene a leke lele ti mbi, mbi ko na ndö ni si mbi mu peko ti gbia.’

2 Samuel 4:4

Andaa Jonatan, molenge ti Saul ayeke lani na mbeni molenge-koli so gere ti lo use kue abuba. Molenge ni ayeke na ngu oku na ndembe so ambeni zo alondo na Yizreel aga atene tënë ti kuâ ti Saul na ti Jonatan. Wali so ayeke bata molenge ni ayo lo ti kpe na lo. Na ya ti gbugburungo tere, molenge ni ati si gere ti lo abuba. Iri ti molenge ni ayeke Mefibaal.

2 Samuel 9:12

Mefibaal ayeke na mbeni kete molenge-koli, iri ti lo ayeke Mika. Azo so kue ayeke lango na da ti Siba ayeke sara kua na Mefibaal.

2 Samuel 9:3

Gbia ahunda lo, atene: “Mbeni zo ti sewa ti Saul angba na fini pepe titene mbi sara nzoni be na lo tongana ti so Nzapa ayeke sara ka na azo so?” Siba akiri tënë na gbia: “Mbeni molenge ti Jonatan so gere ti lo use kue abuba ayeke daa.”

2 Samuel 9:7

David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

Jérémie 52:33

Lo zi bongo ti kanga na tere ti Yoakin si na lango ti fini ti lo kue, lo na gbia ayeke te kobe ndo oko.