2 Samuel 9:1 - Mbeti ti Nzapa - Tënë so amu fini

¹ Mbeni lâ, David ahunda ndo, atene: “Mbeni zo ti sewa ti Saul angba na fini pepe? Mbi ye ti sara nzoni be na lo ndali ti Jonatan.”

2 Samuel 9:1 ပူးပေါင်းရင်းမြစ်များ

2 Samuel 1:26

Ita ti mbi Jonatan, ndali ti mo, mbi yeke na vundu. Mo ye mbi lani mingi; yengo so mo ye na mbi ahon ti so koli aye wali ti lo.

2 Samuel 21:7

Gbia abata Mefibaal, molenge ti Jonatan, ata ti Saul, ngbanga ti so lo na Jonatan asara lani *mbuki na dawa ti KOTA GBIA.

2 Samuel 9:7

David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

1 Agbia 2:7

Mo sara nga nzoni be na amolenge ti Barzilai, zo ti sese ti Galaad. Ala sara lani nzoni be na mbi na lango so mbi kpe na dawa ti ita ti mo Absalom. Ala yeke te kobe lakue na ndö ti meza ti mo.

Amato 27:10

Zo so mo na lo aye tere, wala zo so babâ ti mo na lo aye tere, mo zia lo pepe. Tongana mbeni ye ti ngangu asi na mo, mo gue na ndo ti ita ti mo pepe. Zo so ayeke nduru na mo ayeke nzoni ahon ita ti mo so ayeke na yongoro ndo.

Matthieu 10:42

Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Marc 9:41

Zo so ayeke mu na ala kopo ti ngu oko, ngbanga ti so ala yeke azo ti Christ, mbi tene na ala taa-tënë: fade lo yeke wara nzoni ye na peko ni.”

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

1 Samuel 20:42

Jonatan atene na David: “Gue nzoni! Biani, e use kue, e deba yanga ti e na iri ti KOTA GBIA awe: ayeke nzoni KOTA GBIA aduti na popo ti mbi na mo, na popo ti *ahale ti mbi nga na ahale ti mo kpu na kpu.”