2 Samuel 8:6 - Mbeti ti Nzapa - Tënë so amu fini

⁶ David azia agovoronere na ndö ti ala, ala ga azo ti gbe ti lo si ala yeke futa lapo na lo. *KOTA GBIA asara si David aso benda na ndö ti awato ti lo na ndo so kue lo yeke gue daa.

2 Samuel 8:6 ပူးပေါင်းရင်းမြစ်များ

2 Samuel 10:19

So agbia so kue ayeke na gbe ti gbia Hadadezer abaa so azo ti Israel ahon ndö ti ala na bira awe, ala leke tënë ti siriri na azo ti Israel si ala duti na gbe ti azo ti Israel ni. Mbeto ti kiri ti mu maboko na azo ti Amon asara azo ti Sirii.

2 Samuel 23:14

David ahonde tere ti lo na mbeni ndo so singo daa ayeke ngangu; andaa ambeni turugu ti Filistii aduti ti bata ndo na Betlehem.

2 Samuel 3:18

Fadeso, ala sara ye! Biani, *KOTA GBIA atene na ndö ti David, atene: ‘Na lege ti David, zo ti kua ti mbi laa mbi yeke zi azo ti Israel, azo ti mbi na maboko ti azo ti Filistii nga na maboko ti awato ti ala kue.’ ”

2 Samuel 5:10

Ngangu ti David ayeke mai maingo, ngbanga ti so *KOTA GBIA, Nzapa so ayeke na ndö ti dunia kue ayeke na lo.

2 Samuel 7:9

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

2 Samuel 8:14

Lo zia agovoronere na ndö ti azo ti Edom; na sese ti Edom kue, lo zia agovoronere si ala kue aga azo ti gbe ti David. KOTA GBIA asara si David aso benda na ndö ti awato ti lo na ndo so kue lo yeke gue daa.

2 Samuel 8:2

Lo hon nga ndö ti azo ti Moab na bira, lo zia ala, ala lango na sese, lo diko ala si na popo ti azo ota, lo fâ azo use si lo zia oko; lo sara gi tongaso ngbii asi na ndani. Nilaa azo ti Moab aga azo ti gbe ti David si ala yeke futa lapo na lo.

2 Samuel 8:7

David amu *avala ti aturugu ti Hadadezer so a sara na lôro si lo gue na ni na Jérusalem.

2 Agbia 1:1

Na peko ti kuâ ti gbia Akab, azo ti Moab atomboka na tere ti azo ti Israel.

2 Agbia 14:28

Tanga ti atënë na ndö ti Yeroboam, aye so kue lo sara, akota ye so lo sara, abira so lo tiri, lege so lo mu gbata ti Damas nga na gbata ti Hamat so ayeke lani na gbe ti Juda si lo kiri na ni na gbe ti Israel; aye so kue, a su tënë ni na ya ti “Mbeti ti aye so agbia ti Israel asara”.

2 Agbia 18:7

Nilaa KOTA GBIA ayeke na lo si aye so kue lo yeke sara aga nzoni. Lo tomboka na tere ti gbia ti Asirii si lo ke ti duti na gbe ti lo.

2 Agbia 3:4

Mesha, gbia ti Moab ayeke na ataba mingi. Na ya ti ngu oko oko, lo yeke mu na gbia ti Israel akete taba saki ngbangbo oko, na akoli-taba saki ngbangbo oko so kua ti tere ti ala angba daa ti futa na lapo.

1 Mbai 18:13

Lo zia agovoronere na ndö ti azo ti Edom si ala ga azo ti gbe ti David. KOTA GBIA asara si David aso benda na ndö ti awato ti lo na ndo so kue lo yeke gue daa.

2 Mbai 17:2

Lo zia aturugu na ya ti agbata ti Juda so kue a sara angangu gbagba na tere ni. Lo zia agovoronere na ya ti agbata ti Juda na ti Efraim so babâ ti lo Asa amu na bira.

Abia (Psaumes) 140:7

Mbi tene na KOTA GBIA, mbi tene: “Mo yeke Nzapa ti mbi. KOTA GBIA, dingi mê ti mo, mo ma toto ti mbi.

Abia (Psaumes) 60:10

Moab ayeke tongana kota sembe so mbi yeke sukula ngu na ya ni; mbi bi poro ti gere ti mbi na ndö ti Edom ti fa so sese ni aga ti mbi biani awe. Azo ti Filistii, ala baa ti ala atene, fade ala yeke dekongo ti songo benda na ndö ti mbi?”

Amato 21:31

A yeke leke ambarata ti ku na lango ti bira; me KOTA GBIA oko laa ayeke sara si zo aso benda.

1 Samuel 13:3

Mbeni lâ, Jonatan afâ govoronere ti azo ti Filistii so ayeke na kodro ti Geba si azo ti Filistii ama tënë ni. Saul amu yanga titene a huru didi na ya ti kodro kue, atene: “Alingbi ahebro ama tënë so!”

1 Samuel 14:1

Mbeni lâ, Jonatan, molenge ti Saul atene na zo so ayeke yo aye ti bira ti lo, atene: “Ga, e gue na ndo so azo ti Filistii aduti daa, na mbage kâ so.” Me Jonatan atene tënë ni na babâ ti lo pepe.

1 Samuel 14:15

Aturugu ti Filistii so angba na ya ti bâbâ nga na azo so ayeke na tere ti bâbâ ni, kota mbeto agbu ala. Ataa aturugu ti batango ndo, na ala ti bubango ndo, kota mbeto ahon ndö ti ala kue. Sese ayingi si kota mbeto ti Nzapa agbu ala.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”